آغا بابر

آغا بابر (پیدائش: 31 مارچ، 1919ء- وفات: 25 ستمبر، 1998ء) پاکستان سے تعلق رکھنے والے اردو زبان کے ممتاز افسانہ نگار، ناول نگار اور ڈراما نویس تھے۔

آغا بابر
معلومات شخصیت
پیدائش	31 مارچ 1919ء   بٹالا ،  ضلع گورداسپور ،  برطانوی پنجاب
وفات	25 ستمبر 1998ء (79 سال)  نیویارک شہر ،  ریاستہائے متحدہ امریکا
شہریت	برطانوی ہند پاکستان
بہن/بھائی	عاشق حسین بٹالوی ،  اعجاز حسین بٹالوی
عملی زندگی
مادر علمی	جامعہ پنجاب
پیشہ	ڈراما نگار ،  افسانہ نگار ،  مدیر ،  ناول نگار
پیشہ ورانہ زبان	اردو
ملازمت	بین الخدماتی تعلقات عامہ
تحریک	حلقہ ارباب ذوق
باب ادب

حالات زندگی

آغا بابر 31 مارچ، 1919ء کوبٹالہ، ضلع گرداسپور، برطانوی ہندوستان میں پیدا ہوئے۔ ان کا صل نام سجاد حسین تھا۔ وہ گورنمنٹ کالج لاہور اور پنجاب یونیورسٹی کے فارغ التحصیل تھے۔ ابتدا میں انھوں نے فلموں میں مکالمہ نویس کے طور پر کام کیا اور تقسیم ہند کے بعد پاکستان منتقل ہو گئے اورانٹر سروسز پبلک ریلیشنزکے جریدے مجاہد اور ہلال کے مدیر رہے۔ ریٹائرمنٹ کے بعد وہ امریکا چلے گئے اور عمر کا باقی حصہ انھوں نے وہیں بسر کیا۔ وہ مشہور افسانہ نگار اور مؤرخ عاشق حسین بٹالوی اور ممتاز قانون دان اعجاز حسین بٹالوی کے بھائی تھے۔ آغا بابر اردو کے اہم افسانہ نگاروں میں شمار ہوتے ہیں۔ ان کے افسانوی مجموعوں میں چاک گریباں ، لب گویا، اڑن طشتری، کہانی بولتی ہے اور پھول کی کوئی قیمت نہیں ، ایک ناول حوا کی کہانی کے علاوہ ڈراموں کے تین مجموعے بڑا صاحب، سیز فائر اور گوارا ہونیش عشق شامل ہیں۔ انھوں نے اپنی سوانح عمری بھی قلم بند کی تھی مگر وہ ان کی وفات کہ وجہ سے ادھوری رہ گئے۔

تصانیف

• چاک گریباں (افسانے)
• لب گویا (افسانے)
• اڑن طشتری (افسانے)
• کہانی بولتی ہے (افسانے)
• پھول کی کوئی قیمت نہیں (افسانے)
• حوا کی کہانی (ناول)
• بڑا صاحب (ڈراما)
• سیش فائر (ڈراما)
• گوارا ہونیش عشق (ڈراما)

وفات

آغا بابر 25 ستمبر 1998ء کو نیو یارک ریاستہائے متحدہ امریکا میں وفات پاگئے۔