الہداد بوہیو

ڈاکٹر الہداد بوہیو (انگريزی:Dr. AllahDad Bohyo) برطانوی ہندوستان میں پاکستان کے صوبہ سندھ میں پیدا ہونے والے سندھی زبان کے نامور شاعر، عالم، ادیب اور نقاد تھے۔ ان کی کئی کتابیں شائع ہوئی ہیں۔

الہداد بوہیو
(سندھی میں: ڊاڪٽر الهداد ٻوهيو)
معلومات شخصیت
پیدائش	8 اگست 1934ء   لاڑکانہ
تاریخ وفات	16 جولا‎ئی 1994ء (60 سال)
شہریت	پاکستان برطانوی ہند
عملی زندگی
مادر علمی	جامعہ سندھ
پیشہ	مصنف
پیشہ ورانہ زبان	سندھی
باب ادب

حالات زندگی

الہداد بوہیو 8 اگست 1934ء میں ضلع لاڑکانہ اب ضلع قنبر شہدادکوٹ کے گاؤں پیچوہا میں پیدا ہوئے۔

تعلیم اور ملازمت

بوہیو نے ایم اے اور بی ٹی کی ڈگریاں سندھ یونیورسٹی سے حاصل کیں اور تعلیم کے شعبے میں ملازمت اختیار کی۔1977ء میں "سندھی زبان کا سماجی کارج" کے موضوع پر مقالا لکھا اور [پی ایچ ڈی]] کی ڈگری حاصل کی۔ یہ مقالا 1987ء میں انسٹی ٹیوٹ آف سندھالوجی جامشورو کی جانب سے کتابی صورت میں شائع ہوا۔ بوہیو ترقی کرتے شعبہ تعلیم سندھ کے ڈئریکٹر مقرر ہوئے۔

ادبی خدمات

بوہیو سندھی زبان کے بڑے عالم، نقاد، لسانیات کے ماہر اور محقق تھے۔ ان کا شاعری میں عاصم تخلص تھا۔ ان کے لاتعداد مقالے نئیں زندگی، مہران، باکھ، ساجاہ جیسے معیاری ادبی جریدوں میں شائع ہو چکے ہیں۔

کتابیں

• تنقیدوں ، 1980ء

• ادب جا فکری محرک، 1984ء

• سندھی زبان جو سماجی کارج، انسٹی ٹیوٹ آف سندھولاجی،1987ء

• علم تحقیق، 1990ء

• بوہیو جوں تحریروں ، سندھی زبان کا با اختیار ادارہ،2008ء

وفات

بوہیو 16 جولائی 1994ء کو ٹنڈو الہیار میں منعقد تعلیمی سیمینار میں تقریر کرتے ہوئے حرکت قلب بند ہونے سے وفات پا گئے۔