اچ شریفلی مسجد
اچ شریفلی مسجد (ترکی زبان: Üç Şerefeli Camii، اُچ شَرِیفَلِی جَامِع) ترکی کے شہر ادرنہ میں واقع ایک قدیم مسجد ہے جو عثمانی دور میں تعمیر کی گئی۔ مستطیل شکل کی یہ مسجد عثمانی سلطان مراد ثانی نے 1438ء سے 1448ء کے درمیان تعمیر کرائی۔ یہ مسجد شہر کے تاریخی مرکز میں واقع ہے، جہاں دیگر اہم و تاریخی مساجد سلیمیہ مسجد (سلیمیہ جامع) اور قدیم مسجد (اس کی جامع) بھی موجود ہیں۔
| اچ شریفلی مسجد Üç Şerefeli Mosque | |
|---|---|
 | |
| بنیادی معلومات | |
| متناسقات | صفحہ ماڈیول:Coordinates/styles.css میں کوئی مواد نہیں ہے۔41°40′41″N 26°33′13″E / 41.678082°N 26.553537°E |
| مذہبی انتساب | اسلام |
| ملک | ترکیہ |
| تعمیراتی تفصیلات | |
| نوعیتِ تعمیر | مسجد |
| طرز تعمیر | عثمانی معماری |
| سنگ بنیاد | 1438 |
| سنہ تکمیل | 1447 |
| تفصیلات | |
| گنبد کا قطر (خارجی) | 24 میٹر |
| مینار | 4 |
اس مسجد کے صحن کے چاروں اطراف ایک سائبان ہے جس پر اکیس گنبد قائم ہیں جبکہ مرکزی گنبد ایک شش پہلو ستون پر کھڑا ہے۔ اس کے علاوہ 8 چھوٹے گنبد بھی موجود ہیں۔
اس مسجد کے وجہ تسمیہ یہ ہے کہ اس کے ایک مینار کی تین منزلیں ہیں۔ ترکی زبان میں مینار کی منزل (بالکنی) کو "شریف" کہا جاتا ہے اور تین کو "اُچ"۔ جبکہ ترکی زبان میں جامع مسجد کو "جامع" کہا جاتا ہے۔ اس طرح اچ شریفلی جامع کا مطلب ہوا "تین منزلوں والی مسجد"۔
مسجد کا تین منزلوں والا سلجوقی دور کی مخصوص رنگین اینٹوں کا حامل ہے۔
| ویکی ذخائر پر اچ شریفلی مسجد سے متعلق سمعی و بصری مواد ملاحظہ کریں۔ |
