خواجہ سراج احمد درانی

سراج احمد خانپوری سے مغالطہ نہ کھائیں۔

خواجہ حافظ سراج احمد درانی برصغیر پاک و ہند کے عظیم صوفیاءمیں شمار ہوتا ہے۔سراج العارفین سے شہرت رکھتے ہیں

خواجہ حافظ سراج احمد درانی
معلومات شخصیت
پیدائشی نام	سراج احمد
پیدائش	1329ھ؍1911ء حضرت شیخ عبدالستار ضلع بہاولپور
تاریخ وفات	؍ ،14 جون1396ھ؍1976ء
مذہب	اسلام
عملی زندگی
ادبی تحریک	اہلسنت
مادر علمی	دارالعلوم سہارنپور دارالعلوم دیوبند
کارہائے نمایاں	بہت بڑے مناظر
باب ادب

نام

خواجہ حافظ سراج احمد درانی چشتی بن مولانا عبد الواحد

القاب

سراج العارفین، سراج الاصفیاء، سراج اہل اسنت، شہشاہ ولایت، شیخ کامل، عاشق رسول

تاریخ ِولادت

1911ء کو قصبہ حضرت شیخ عبد الستار خان پور ریاست بہاولپور میں آپ کی پیدائش ہوئی۔

تحصیل ِعلم

استاذ الحفاظ حافظ نظام الدین صاحب اور قاری اسحاق کی خدمت میں رہے کر قرآن مجید حفط کیا سراج العارفین نے عربی کی ابتدائی کتب استاذ العلماء مولانا محمد موسی سے پڑھیں جبکہ وسطانی کتب مکھن بیلہ میں سراج الفقہاء، امام العلماء، سیدالمدرسین مولانا مفتی سراج احمد فریدی مکھن بیلوی سے پڑھیں۔ مرکز علم و عرفاں بھرچونڈی شریف میں رئیس المناطقہ، استاذ العلماء مولانا عبد الکریم ہزاروی صاحب کی خدمت میں چند کتب فنون پڑھیں۔ اس دوران ہندوستان کا سفر کیا اور چند ماہ دار العلوم سہارنپورمقیم رہے۔ دار العلوم دیوبند پہنچے اور تقریباً ساڑھے چال سال وہاں زیر تعلیم رہے تمام علم فنون دینیہ، منطق، فلسفہ، ریاضی، معانی علم کلام کی تکمیل فرما کر دورہ حدیث میں داخل ہوئے صحاح ستہ و دیگر کتب حدیث پڑھیں اور دار العلوم کے سالانہ جلسہ دستار فضلیت منعقدہ 1929ء میں آپ نے سند فراغت حاصل کی۔

بیعت و خلافت

آپ خاندانِ فرید کے عظیم فرد سیدالاولیاء، قلندرِ وقت، شہناہ والایت، قاسم معرفت خواجہ خواجگان خواجہ دُر محمد کوریجہ المعروف حضور دُر پاک غریب نواز سے سلسلہ عالیہ چشتیہ نظامیہ میں بیعت ہوئے شیخ کامل نے اس جوہر یگانہ کو مزید چمکایا اور آپکو روحانی منازل طے کروائیں۔

سیرتِ وخصائص

آپ کشف و کرامت بزرگ تھے اور طالبان حق کے عظیم روحانی پیشوا تھے۔ ہزاروں لوگوں کو آپ کے دامن کے ساتھ وابستہ ہونے کی وجہ سے ہدایت نصیب ہوئی۔ آپ شیخ اکبر ابن العربی کے فلسفہ وحدت الوجود کے حقیقی وارث اور برصغیر کے عظیم مصلح امام احمد رضا خان بریلوی کے فکری و نظریاتی محافظ تھے۔

تاریخِ وصال

14جون 1976ء آپ داعی اجل کو لبیک کہہ گئے آپ کا نماز جنازہ غزالی زمان رزای دوراں علامہ پیر سید احمد سعید شاہ کاظمی (مرکزی امیری جماعت اہلسنت پاکستان ) نے پڑھایا۔ آپ کا مزار مبارک جامعہ اسلامیہ سراج العلوم تحصیل خانپور میں مرجع خلائق ہے