سید محمود علی

سید محمود علی (محمود علی) کراچی کے مشہور ریڈیو، ٹیلی وژن، اسٹیج اورفلمی اداکار تھے۔ وہ 1928ء میں بھارتی شہر حیدرآباد دکن میں پیدا ہوئے۔ انھوں نے 1945ء میں ریڈیو کیرئر کا آغاز آل انڈیا ریڈیو سے کیا۔ آزادی کے بعد وہ لاہور آ گئے اور پھر کچھ عرصے بعد کراچی منتقل ہو گئے اور ریڈیو پاکستان سے وابستہ ہو گئے۔ اداکاری کا آغاز خواجہ معین الدین تھیٹر سے 1965ء میں کیا۔ کراچی ٹی وی اسٹوڈیو کے قیام کے بعد وہ ٹی وی ڈراموں میں بھی اداکاری کرنے لگے۔ انھوں نے لاتعداد ڈراموں اور اشتہارات میں اور کافی فلموں میں بھی کام کیا اور یادگار کردار ادا کیے۔ ان کے مشہورڈراموں میں خدا کی بستی ، انتظارفرمائیے، چچا چھکن ، تعلیم بالغان وغیرہ شامل ہیں۔ اداکاری اور صداکاری میں بہترین خدمات کے عوض 1985ء میں انھیں صدارتی تمغہ حسن کارکردگی سے بھی نوازا گیا۔ 11 جولائی ، 2008ء کو 80 سال کی عمر میں کراچی میں ان کا انتقال ہوا۔ قبرستان وادیءحسین میں تدفین ہوئی،

سید محمود علی
معلومات شخصیت
پیدائش	سنہ 1928ء   ریاست حیدرآباد
تاریخ وفات	12 جولا‎ئی 2008ء (79–80 سال)
عملی زندگی
پیشہ	اداکار ،  ٹیلی ویژن اداکار
اعزازات
تمغائے حسن کارکردگی
	IMDB پر صفحات