آشا راوت

آشا راوت انڈیا کی خاتون کرکٹ کھلاڑی ہیں۔ آشا راوت نئی دہلی، انڈیا میں 16 فروری 1982 کو پیدا ہوئیں۔ انھوں نے زیادہ تر ون ڈے کرکٹ ہی کھیلی ہے مگر ایک ٹیسٹ کھیل کر دونوں طرز کی کرکٹ کھیلنے کا شرف حاصل کر لیا۔وہ دائیں ہاتھ سے بلے بازی کرتی ہیں اور آف بریک گیند باز ہیں۔ انھوں نے بین الاقوامی سطح پر مجموعی طور پر1 ٹیسٹ اور 20 ون ڈے میچ کھیلے۔

آشا راوت

ذاتی معلومات
مکمل نام	آشا راوت
پیدائش	16 فروری 1982ء نئی دہلی انڈیا
بلے بازی	دائیں ہاتھ کی بلے باز
گیند بازی	آف بریک گیند باز
حیثیت	بلے باز
بین الاقوامی کرکٹ
قومی ٹیم	انڈیا
پہلا ٹیسٹ	2005  بمقابلہ  انگلینڈ
پہلا ایک روزہ	2005  بمقابلہ  انگلینڈ
کیریئر اعداد و شمار
مقابلہ ٹیسٹ ایک روزہ میچ 1 20 رنز بنائے 9 286 بیٹنگ اوسط 9.0 40.85 100s/50s 0/0 0/3 ٹاپ اسکور 9 97 گیندیں کرائیں 12 – وکٹ 0 – بولنگ اوسط 0.0 – اننگز میں 5 وکٹ - – میچ میں 10 وکٹ - - بہترین بولنگ - – کیچ/سٹمپ 0/0 –/4
ماخذ: کرک انفو

ون ڈے کیریئر

آشا راوت نے پہلا بین الاقوامی ون ڈے میچ انگلینڈ کے خلاف سن 2005 میں کھیلا۔ انھوں نے 40.85 کی اوسط سے کل 286 رنز بنائے جس میں سب سے زیادہ 97 کا اسکور بھی شامل ہے۔ وہ3 نصف سنچری کرنے میں کامیاب رہیں۔ آشا راوت 4 کیچ پکڑنے میں کامیاب رہیں۔انھوں نے چھوٹی عمر میں مقامی کرکٹ کا آغاز کر دیا تھا، اس کے بعد وہ مختلف کلبوں کی طرف سے کھیلتی رہیں اور فرسٹ کلاس کرکٹ بھی کھیلی۔گیند بازی سے انھیں دلچسپی ضرور تھی مگر ون ڈے کرکٹ میں انھوں نے بالکل بھی گیند بازی نہیں کی، اس کے برعکس واحد ٹیسٹ میں دو اوور کروائے ہیں۔

ٹیسٹ کیریئر

آشا راوت نے پہلا بین الاقوامی ٹیسٹ میچ انگلینڈ کے خلاف سن 2005 میں کھیلا۔ انھوں نے کل 9 رنز بنائے جس میں سب سے زیادہ 9 کا اسکور بھی شامل ہے۔ ون ڈے کرکٹ کے برعکس ٹیسٹ کرکٹ میں انھوں نے 12 گیندیں کروائیں مگر کوئی وکٹ نہ حاصل کر سکیں۔