آغا خان یونیورسٹی ہسپتال، کراچی
آغا خان یونیورسٹی ہسپتال، کراچی 577 بستروں پر مشتمل ،غیر نفعی بنیادوں پر چلنے والا تدریسی ادارہ ہے جس کا مقصد مریضوں کی دیکھ بھال کے حوالے سے بیماری کی تشخیص اور ٹیم مینجمنٹ کو بہترین صورت میں بروئے کار لانا ہے۔ اے کے یو ایچ میں زیر علاج 77 فی صد مریضوں کا تعلق درمیانے یا کم آمدنی والے طبقے سے ہے۔ وہ ا فراد جو علاج کے اخراجات اٹھانے سے قاصر ہوتے ہیں ان کی مختلف ذرائع سے معاونت کی جاتی ہے۔ ان میں سے ایک 1986ء میں شروع کیا گیا پیشنٹ ویلفیئر پروگرام ہے جس کے تحت اب تک 3.2 بلین روپے سے زائد رقم 500,000 سے زائد مستحق مریضوں پر خرچ کی گئی ہے۔
| آغا خان یونیورسٹی ہسپتال | |
|---|---|
| آغاخان ہیلتھ سروس | |
| فائل:AKUH Logo.png | |
 آغا خان یونیورسٹی ہسپتال، کراچی | |
| جغرافیہ | |
| مقام | کراچی، سندھ، پاکستان |
| تنظیم | |
| دیکھ بھال نظام | نجی |
| الحاق یونیورسٹی | کالج آف فزیشنز اینڈ سرجنز پاکستان آغا خان یونیورسٹی |
| تاریخ | |
| قیام | 1985 |
| روابط | |
| ویب سائٹ | دفتری ویب سائٹ |
یہ ہسپتال کراچی کی شاہراہ اسٹیڈیم روڈ پر لیاقت نیشنل ہسپتال کے برابر میں واقع ہے۔
میڈیکل کالج اور اسکول آف نرسنگ کے لیے کلینکل ٹریننگ کا بنیادی مقام آغاخان یونیورسٹی ہسپتال (AKUH) ہے جو مریضوں کو اعلی معیار کی وسیع ،ثانوی اور ٹرشری طبی سہولیات فراہم کرتاہے۔ اس تعلیمی میڈیکل سنٹر کی سہولیات اور پیشہ ورانہ عملے کا شمار خطے میں بہترین کی حیثیت سے ہوتاہے۔
جدید طریقہ علاج کو صحت کے شعبے سے منسلک ماہرین کے تعاون اور جدید ترین آلات کی مدد سے بیماریوں کی جانچ اور ان کے علاج کوممکن بنایا جاتاہے۔طبی امداد تمام مریضوں کو مہیا کی جاتی ہے۔جن مریضوں کو علاج کے لیے رقم کا انتظام کرنے میں دشواری ہو انھیں ہسپتال کے پیشنٹ ویلفیئر پروگرام کے ذریعے مختلف طریقوں سے فراخدلانہ مالی امداد فراہم کی جاتی ہے۔
سہولیات ترمیم
اس آغا خان یونیورسٹی ہسپتال (AKUH) میں 560 بیڈز کام کر رہے ہیں اور اس کے اندر مریضوں کا قیام خطے میں سب سے کم اوسط 4.0 دن ہے۔ ہسپتال طبی (بشمول کارڈیک)، جراحی، زچگی اور امراض نسواں، اطفال اور نفسیاتی مریضوں کی تشخیص اور علاج کے لیے آراستہ ہے۔ آئی سی یو، سی سی یو اور این آئی سی یو میں کل 560 بستر، 122 پرائیویٹ اور 117 نیم پرائیویٹ ایئر کنڈیشنڈ کمرے، 251 جنرل وارڈ بیڈ اور 52 خصوصی نگہداشت کے بستر دستیاب ہیں۔ ہسپتال میں 17 مین آپریٹنگ تھیٹر ہیں۔ ان کے علاوہ، 4 آپریٹنگ تھیٹر ہیں سرجیکل ڈے کیئر میں اور دو زچہ وارڈ میں ۔ ڈے کیئر سرجری AKUH میں کی جاتی ہیں۔ فارمیسی، ریڈیولوجی (بشمول جوہری ادویات)، لیبارٹری، کارڈیو پلمونری، نیورو فزیالوجی اور جسمانی پیمائش کی خدمات AKUH میں دستیاب ہیں۔ AKUH لیبارٹری کراچی اور پاکستان کے تمام بڑے شہروں میں 47 فلیبوٹومی یا نمونہ جمع کرنے کے مراکز چلاتی ہے۔ [1]
فن تعمیر ترمیم
آغا خان میڈیکل کمپلیکس، جو کراچی میں 65 ایکڑ کی جگہ پر بنایا گیا تھا، اس کی منصوبہ بندی اور ڈیزائن امریکا میں قائم آرکیٹیکچرل فرم، بوسٹن کی ایک Payette Associates نے کی تھی۔ [2] [3] یہ 721 بستروں پر مشتمل ہسپتال، 500 طلبہ کے لیے ایک میڈیکل اسکول، نرسنگ اسکول، عملے اور طلبہ کے لیے رہائش اور ایک مسجد پر مشتمل ہے۔ عمارت کو تاریخ، آب و ہوا، ماحول، علامت اور مسلم ثقافت کی روحانی اقدار کو مدنظر رکھتے ہوئے ڈیزائن کیا گیا ہے۔ [4]
منظوری ترمیم
آغا خان یونیورسٹی ہسپتال، کراچی ایک جوائنٹ کمیشن انٹرنیشنل (JCI) سے تسلیم شدہ ہسپتال ہے۔ [5]
یہ ہسپتال کالج آف فزیشنز اینڈ سرجنز آف پاکستان سے بھی تسلیم شدہ ہے۔ [6]
کراچی کے دیگر اسپتالوں کے ساتھ تعاون ترمیم
2017ء میں، کراچی میونسپل کارپوریشن (KMC) اور آغا خان یونیورسٹی اسپتال کے اشتراک سے کراچی کے تمام بڑے اسپتالوں کا مطالعہ کرنے کے لیے ایک مشترکہ بورڈ قائم کیا گیا تھا تاکہ کراچی میں KMC سے منسلک تمام طبی سہولیات کو اپ گریڈ کرنے میں مدد کی جاسکے۔ [7]
آغا خان یونیورسٹی ہسپتال پاکستان میں صحت کی دیکھ بھال کی نئی ٹیکنالوجی متعارف کرانے میں سرفہرست ہے۔ 2016ء میں، ایکسپریس ٹریبیون (اخبار) رپورٹ کے مطابق، "آغا خان یونیورسٹی ہسپتال پاکستان میں دماغی سرجری کی نئی جدید ٹیکنالوجی، نیورو روبوٹک ایکسوسکوپ متعارف کرانے والا پہلا طبی مرکز بن گیا ہے۔" [8]
یہ بھی ترمیم
حوالہ جات ترمیم
- ↑ Profile of Aga Khan University Hospital, Karachi on health.hamariweb.com website Retrieved 25 August 2022
- ↑ Legacy of Great Healthcare and Design: Aga Khan University Hospital Karachi on payette.com website Retrieved 25 February 2022
- ↑ "Payette Associates (hospital's U.S.-based architecture firm)"۔ اخذ شدہ بتاریخ 25 فروری 2022
- ↑ Thomas Payette (1988)۔ Designing the Aga Khan Medical Complex۔ The Aga Khan Program for Islamic Architecture۔ صفحہ: 161–168۔ 03 اکتوبر 2012 میں اصل سے آرکائیو شدہ۔ اخذ شدہ بتاریخ 25 فروری 2022
- ↑ Aga Khan University Hospital is an accredited organization by the Joint Commission International jointcommissioninternational.org website, Retrieved 25 February 2022
- ↑ Aga Khan University Hospital, Karachi is Accredited by the College of Physicians and Surgeons of Pakistan College of Physicians and Surgeons of Pakistan website, Retrieved 25 February 2022
- ↑ Aga Khan University Hospital experts to help upgrade Karachi Municipal Corporation hospitals The News International (newspaper), Published 22 February 2017, Retrieved 25 February 2022
- ↑ Aga Khan University Hospital becomes country's first hospital to introduce 'Neuro-Robotic Exoscope The Express Tribune (newspaper), Published 13 April 2016, Retrieved 25 February 2022