ثنا اعجاز

ثنا اعجاز خیبر پختونخوا ، پاکستان سے تعلق رکھنے والی صحافی اور انسانی حقوق کی کارکن ہیں ۔ وہ پشتون تحفظ تحریک (پی ٹی ایم) کے رہنماؤں میں سے ایک ہیں۔ وہ امن کی تعمیر ، مفاہمت اور سماجی سرگرمیوں میں خواتین کے کردار کو فروغ دینے کے لیے وکالت پر توجہ دیتی ہیں۔ وہ واک موومنٹ کی بانی رکن بھی ہیں ، جس کا مقصد پشتون خواتین میں سیاسی شعور اجاگر کرنا ہے۔ وہ پہلے عوامی نیشنل پارٹی (اے این پی) کے یوتھ ونگ کی نائب صدر تھیں۔

ثنا اعجاز
ثنا اعجاز
معلومات شخصیت
قومیت	پاکستان
رکنیت	تحریک تحفظ پشتون
عملی زندگی
مادر علمی	پلایماؤت اسٹیٹ یونیورسٹی
پیشہ	سیاسی کارکن، صحافی
پیشہ ورانہ زبان	پشتو ،  اردو ،  انگریزی
کارہائے نمایاں	پشتون تحفظ تحریک کی سرگرم رکن
تحریک	تحریک تحفظ پشتون

تعلیم

ثنا اعجاز پشاور میں پیدا ہوئیں۔ ان کی والدہ، شاہدہ بیگم، سماجی کارکن تھیں۔ والد پی ٹی وی میں ملازم تھے۔کالج جانے کے بعد ثنا نے باچا خان ٹرسٹ ایجوکیشن فاؤنڈیشن میں شمولیت اختیار کی۔ اس کے ساتھ ہی انھوں نے جرنلزم میں ماسٹرز بھی کیا۔ باچا خان یونیورسٹی میں نوکری کی، لکھنا شروع کیا۔ 2013 میں عوامی نیشنل پارٹی میں شامل ہو گئیں۔ پاک چین راہداری منصوبے میں پشتونوں کے حق کے لیے بات کی، گرفتار بھی ہوئی۔ محسود تحفظ موومنٹ کی حامی ہونے کی وجہ سے عوامی نیشنل پارٹی اور پی ٹی وی دونوں نے نکال دی گئیں۔

کیریئر اور سماجی سرگرمی

ثنا نے ڈھائی سال تک پاکستان کی سرکاری ٹیلی ویژن کارپوریشن (پی ٹی وی) میں اینکر اور میزبان کی حیثیت سے کام کیا۔ تاہم ، پی ٹی ایم میں سرگرمی کی وجہ سے 9 مئی 2018 کو انھیں ملازمت سے برطرف کر دیا گیا تھا۔ 2018 کے آخر میں ، وہ شرکت گاہ نامی ایک غیر سرکاری وکالت تنظیم میں بھی اپنی ملازمت سے ہاتھ دھو بیٹھیں۔ پی ٹی ایم سے وابستگی کے بارے میں ، انھوں نے کہا: "میں انصاف ، آئینی حقوق اور قیام امن کے پرامن مطالبے کی حمایت کرکے کچھ غلط نہیں کررہی تھی۔ میں پیچھے نہیں ہٹوں گی۔" 9 فروری 2020 کو ، پی ٹی ایم کے ارمان لونی کی پہلی برسی کے موقع پر ، لورالائی ، بلوچستان میں عوامی اجتماع سے قبل ، سیکیورٹی فورسز نے ثنا اعجاز ، وڑانگہ لونی ، ارفع صدیق اور دیگر خواتین پی ٹی ایم کارکنان کو اس وقت گرفتار کیا جب وہ اجتماع میں جارہی تھیں۔ تاہم ، جب سماجی کارکنان نے پولیس اسٹیشن کے باہر جمع ہو کر ان کے خلاف احتجاج کیا تو انھیں رہا کر دیا۔