جل محل

جل محل (انگریزی: Jal Mahal) جے پور، راجستھان کے مان ساگر میں واقع ایک محل ہے۔ اس کی خوبی یہ ہے کہ یہ تالاب کے درمیان میں بنا ہوا ہے اور اسی وجہ سے جے پور کی اہم زیارت گاہ اور تفریح گاہ میں شمار ہوتا ہے۔ 18ویں صدی میں جے سنگھ دوم نے تالاب کی تزئین و آرائش کی تھی اور محل و تالاب کی توسیع بھی کی تھی۔

جل محل، جے پور
مقام	جے پور
متناسقات	26.9537°N 75.8463°E / 26.9537; 75.8463
قسم	Freshwater – recreational
طاس رقبہ	23.5 کلومربع میٹر (9.1 مربع میل)
طاس ممالک	بھارت
سطحی رقبہ	300 acre (120 ha)
زیادہ سے زیادہ گہرائی	4.5 میٹر (15 فٹ)
آبادیاں	جے پور

رات میں جل محل کا حسین منظر.

محل

محل راجپوت طرز تعمیر کا شاندار نمونہ ہے۔ محل ساگر کے ساتھ بہت خوبصورت لگتا ہے مگر خود اس کا نقشہ اور تعمیر نہایت عمدہ اور شاندار ہے۔ ناہر گڑھ پہاڑی سے صرف محل کا نظارہ بھی دیدہ زیب ہے۔ محل کی تعمیر سرخ رست کے پتھر سے ہوئی ہے اور اس کے چاروں کونے آٹھ کونوں پر مشتمل ہیں۔ یہ پانچ منزلہ عمارت ہے مگر چار منرلیں پانی کے نیچے ہیں اور صرف پانچویں منزل اور چھت ہی دیکھی جا سکتی ہے۔ چھت پر ایک چھتری بنگال طرز تعمیر پر مبنی ہے۔ چاروں کونوں پر بنی چھتریاں آٹھ کونوں والی ہیں۔ حکومت راجستھان نے کئی مرتبہ اس کی تزئین و آرائش کی ہے۔ اس کے آس پاس کے علاقوں کی صفائی کی گئی اور زائرین کے لیے انتظامات کیے گئے۔

نگار خانہ

• 
  نومبر 2007ء میں محل کا نظارہ
• 
  فروری 2008ء میں جل محل کی تزئین کا کام جاری
• 
  مارچ 2008ء میں
• 
  دن کے وقت جل محل کا نظارہ
• 
  اگست 2014ء میں جل محل

مزید دیکھیے

• ہوا محل
• آمیر قلعہ
• سوائی مان سنگھ اسٹیڈیم
• جنتر منتر، جےپور