جے پال

جےپال (وفات: 27 نومبر 1001ء) کابل شاہی کا ایک کھٹانہ گجرحکمران تھا۔ جس کا زمانہ 964ء سے 1001ء بتایا جاتا ہے۔ اس کی سلطنت لغمان سے کشمیر اور سرہند سے ملتان تک پھیلی ہوئی تھی اور پشاور اس سلطنت کے مرکز کے طور پر جانا جاتا تھا۔ جے پال ہتپال کا بیٹا تھا۔ اس کا صاحبزادہ انندپال تھا۔ جے پال اپنے دور میں غزنوی سلطنت کے خلاف لڑتا رہا یہاں تک کہ اس نے غزنوی سلطنت کے دارالحکومت غزنی پر کئی مرتبہ حملہ کیا۔ تاہم غزنویوں نے جے پال کو شکست دی اور جے پال سے معاوضہ وصول کیا۔ جے پال کے حملوں کی سب سے بڑی وجہ یہ تھی کہ اس کو ڈر تھا کہ کہیں غزنوی شاہان اس کی سلطنت پر قبضہ نہ کر لیں۔ جے پال نے اپنی سلطنت کو بچانے کے لیے غزنوی سلطنت پر حملہ کرنے کی کوشش کی لیکن ایک بار پر اسے شکست کا سامنا کرنا پڑا اور نتیجتاً جے پال وادئ کابل اور دریائے سندھ کے درمیان واقع سارے خطے پر اپنا اقتدار کھو بیٹھا۔

جے پال
معلومات شخصیت
تاریخ پیدائش	سنہ 964
وفات	27 نومبر 1001 (36–37 سال)  پشاور
طرز وفات	خود کشی
مناصب
راجا
برسر عہدہ 964  – 27 نومبر 1001
عملی زندگی
پیشہ	عسکری قائد

مزید دیکھیے

• غزنوی سلطنت