حنوک (قابیل کا بیٹا)

حنوک (قابیل کا بیٹا)
(عبرانی میں: חֲנוֹך‎)
معلومات شخصیت
اولاد	عیراد
تعداد اولاد	77
والد	قابیل
والدہ	اعوان (مذہبی شخصیت)
	درستی - ترمیم

حنوک، (/ˈiːnək/؛ عبرانی: חֲנוֹך‎(Ḥanōḵ، کتاب پیدائش کے مطابق، قابیل کا بیٹا اور آدم کا پوتا تھا اور عیراد کا باپ تھا۔

بائبل داستان

جب قابیل نے ہابیل کو قتل کر دیا تو خداوند نے اس سے کہا ”ہابیل“ کہاں ہے؟ تو اس نے جواب دیا ”مجھے معلوم نہیں۔ کیا میں ہابیل کا محافظ ہوں؟“^[3] خداوند نے کہا ”تو رُویِ زمین کا لعنتی ہے تیری لیے غضب ناک عذاب تیار ہے۔ جب تو زمین کو جوتے گا تو وہ اب تجھے اپنی پیداوار نہ دیگی اور زمین پر تو خانہ خراب اور آوارہ ہوگا۔“^[4] پھر قابیل نے خداوند سے کہا کہ ”میری سزا برداشت سے باہر ہے۔ دیکھ آج تونے مجھے رُویِ زمین سے نِکال دیا ہے اور میں تیرے حضور سے روپوش ہوجاؤں گا اور زمین پر خانہ خراب اور آوارہ رہوں گا اور ایسا ہوگا کہ جو کوئی مجھے پائے گا قتل کر ڈالے گا“۔^[5] پھر اس کے خداوند نے اسے کہا ”نہیں بلکہ جو قابیل کو قتل کرے اس سے سات گنا بدلہ لیا جائے گا اور خُداوند نے قابیل کے لیے ایک نشان ٹھہرایا [یعنی: وعدہ کیا] کہ کوئی اسے [یعنی: قابیل] پاکر مار نہ ڈالے۔ اس کے بعد قابیل خداوند کے حضور سے نکل گیا اور عدن کے مشرق کی طرف نود کے علاقہ میں جا بسا“۔^[6] حنوک کی ماں کا نام مشتبہ تحریر کتاب جوبلی کے مطابق، ”عوان“ تھا۔ اعوان قابیل کی بہن بھی تھی اور بیوی بھی اور جب قابیل اپنی بیوی کے پاس گیا، تو وہ حاملہ ہو گئی اور اس کے بعد حنوک کی پیدائش ہوئی اور قابیل نے ایک شہر بسایا تھا اور قابیل نے اس شہر کا نام اپنے بیٹے کے نام پر حنوک رکھا تھا۔^[7]^[8]