"بحری میل" کے نسخوں کے درمیان فرق
حیدر (تبادلۂ خیال | شراکتیں) Nautical Mile |
(کوئی فرق نہیں)
|
نسخہ بمطابق 05:09، 11 جون 2006ء
بحری میل لمبائی کی ایک اکائی ہے۔ یہ اکائی بین الاقوامی نظام اکائیات (International System of Units) کا حصہ نہیں لیکن نظام اکائیات کے ساتھ اس کے استعمال کو تسلیم کر لیا گیا ہے۔ بحری میل کو بحری اور ہوائی سفر کے مقاصد کیلیے استعمال کیا جاتا ہے۔ اسے عام طور پر پوری دنیا میں پانیوں کی حدود متعین کرنے کیلیے بین الاقوامی قانون اور معاہدوں میں استعمال کیا جاتا ہے۔ بحری میل جغرافیائی میل سے تشکیل دیا گیا۔
تعریف
بحری میل کی بین الاقوامی معیاری تعریف یہ ہے: 1 بحری میل = 1852 میٹر
علامت اکائی
بحری میل کیلیے بین الاقوامی طور پر کوئی باقاعدہ معیاری علامت نہیں ہے۔ اس کی اکائی کے طور پر عموما NM، nm اور nmi کو مختلف علاقوں میں استعمال کیا جاتا ہے (یاد رہے کہ nm کو نینومیٹر یا 1000000000/1 میٹر کی علامت کے طور پر بھی استعمال کیا جاتا ہے)۔
بین الاقوامی محکمۂ اوزان و اقدار نے اپنے بین الاقوامی نظام اکائیات کے کتابچے میں بحری میل کو نظام اکائیات کے ساتھ بغیر علامت کے استعمال کیلیے حالیہ منظورشدہ اکائیات کے جدول میں شامل کیا ہے اور ذیلی نوٹ میں تحریر کیا ہے، "جیسا کہ ابھی بین الاقوامی طور پر کوئی متفقہ علامت نہیں ہے"۔
اگرچہ nm نینومیٹر کیلیے ایک باقاعدہ علامت ہے تاہم بحری میل اور نینومیٹر کے آپس میں گڈمڈ ہونے کا امکان بہت کم ہوتا ہے، کیونکہ دونوں مقاصد کیلیے nm کو بالکل مختلف سیاق و سباق میں استعمال کیا جاتا ہے اور 1 بحری میل 1852000000000 نینومیٹر کے برابر ہے۔ ہوائی جہازوں کی فہرست میں ان کی پروازوں کی پہنچ nm (بحری میل) اور km (کلومیٹر) دونوں میں دی جاتی ہے۔
بحری میل کیلیے بہت سی قومی اکائیاں مستعمل ہیںمثلا فنش میں mpk (meripeninkulma یعنی سمندری میل)، جرمن میں sm (Seemeile یعنی سمندری میل) اور آئسلینڈک میں M (sjómíla یعنی سمندری میل)۔ چین میں n mile علامت کے طور پر مستعمل ہے اور جمع کیلیے s استعمال نہیں کیا جاتا۔
دوسری اکائیات میں تبدلی
ایک بحری میل مختلف اکائیات کی درج ذیل مقداروں کے برابر ہے:
- 1.852 کلومیٹر (بالکل)
- 1.150779 (قانونی) میل
- 2025.372 گز
- 6076.1155 فٹ