"ابن یونس" کے نسخوں کے درمیان فرق

'''ابو الحسن علی بن ابی سعید عبد الرحمن بن احمد بن یونس المصری'''، البتانی اور ابی الوفاء البوزجانی کے بعد سب سے زیادہ شہرت پانے والے [[ریاضی]] اور [[فلکیات]] دان ہیں، [[مستشرق]] سارٹن انہیں چوتھی صدی ہجری کے سب سے بڑے سائنسدانوں میں شمار کرتے ہیں، وہ شاید [[مصر]] کے سب سے بڑے فلکیات دان تھے، مصر میں پیدا ہوئے اور وہیں پر شوال [[399ھ|399]] ہجری کو وفات پائی.

“الزیج الحاکمی” کے نام سے ایک زیچ بنایا اور کافی تصانیف چھوڑیں جن میں قابلِ ذکر تصانیف یہ ہیں: غایہ الانتفاع فی معرفہ الدوائر والسمت من قبل الارتفاع، التعدیل المحکم، جداول السمت، جداول فی الشمس والقمر، [[ابن یونس]] نے ہی یحیی بن ابی منصور کا زیچ درست کیا تھا، وہ مثلثات کے ماہر تھے اور کروی مثلثات کے بہت مشکل مسائل حل کیے اور اقواس کا حساب دریافت کیا، آخر میں بتاتے چلیں کہ انہوں نے ہی گھڑی کا pendulum ایجاد کیا تھا نا کہ [[گیلیلیو]] نے جیسا کہ عام طور پر سمجھا جاتا ہے.