"درس نظامی" کے نسخوں کے درمیان فرق

درس نظامی [[ملانظام الدین محمد سہالوی]] سے منسوب طریقۂ تدریس و نصاب، نصاب تعلیم و نظام تدریس جو ملا نظام الدین نے مشرق کی دینی درسگاہوں کے لیے تیار کیا تھا۔<ref>http://urdulughat.info/words/12968-</ref> علومِ اسلامیہ پر مشتمل آٹھ سالہ مرو جہ کورس جو کہ تقریبًا تمام مکاتب فکر میں رائج ہے۔اسے عالم کورس بھی کہا جاتا ہے ۔

درس نظامی کے بانی ملا نظام الدین سہالوی لکھنوی تھے جن کا مرکز [[فرنگی محل]] لکھنوٴ تھا۔ درس نظامی کے نام سے جو نصاب آج تمام مدارس عربیہ میں رائج ہے وہ ان ہی کی یاد گار ہے۔ ملا نظام الدین نے دور سوم کے نصاب میں اضافہ کر کے ایک نیا نصاب مرتب کیااور اس دور میں پڑھائی جانے والی کتابوں کو حتی الامکان جمع کرنے کی کوشش کی۔ درس نظامی میں تیرہ موضوعات کی تقریباً چالیس کتابیں پڑھائی جاتی تھیں۔ فقہ اور [[اصول فقہ]] کے ساتھ ، تفسیر میں جلالین و بیضاوی اور حدیث میں مشکاة المصابیح داخل تھی۔ انھوں نے ریاضی اور فلکیات کی کئی کتابیں اور ہندسہ (انجینئرنگ) پر بھی ایک کتاب شامل نصاب کی۔ اس میں طب، تصوف اور ادب کی کوئی کتاب شامل نہیں تھی اور منطق و فلسفہ کو خاصی جگہ دی گئی۔<ref>http://www.darululoom-deoband.com/urdu/magazine/new/tmp/03-Hindustan%20me%20Musalmano_MDU_05_May_10.htm</ref>موجودہ دور میں اس میں چند تبدیلیوں کے ساتھ درس نظا می (عالم کورس) کا مکمل نصاب جس کے بورڈ [[تنظیم المدارس اہل سنت پاکستان|تنظیم المدارس]] [[وفاق المدارس پاکستان|وفاق المدارس]] [[رابطۃ المدارس]] [[وفاق المدارس السلفیہ]]، [[وفاق المدارس الشیعیہ]]،کے نام پر پاکستان بورڈسے منسلک ہے ، جس کی سند یو نیور سٹی گرانٹس کمیشن (University Grants Commission) نے ایم اے عربی و اسلامیات کے مساوی قراردی ہے یہ نصاب حکومت پاکستان سے منظور شدہ ہے جس میں قرآن و حدیث ،ترجمہ و تفسیر،فقہ،اصول فقہ،عربی زبان و ادب اور گرامر اور دیگر تحریکی و دینی کتب پڑھائی جاتی ہیں۔