منظر پھلوری

منظر پھلوری غیر منقوط نعتیہ کلام کی وجہ سے شہرت رکھتے ہیں

نام

منظر پھلوری کا اصل نام عبدالمجید افضل ہے۔ قلمی نام منظر پھلوری جبکہ غیر منقوط نعت میں اپنا تخلص ’’سائل‘‘ استعمال کرتے ہیں۔

تعلیم

تعلیمی مدارج میں ایم اے (اُردو)اور ایم اے (پنجابی ) ، بی ایڈ، ایم فل اُردو اور پی ایچ ڈی (ریسرچ اسکالر) ہیں۔

ولادت

ضلع ٹوبہ ٹیک سنگھ (پاکستان) سے ملحقہ قصبہ ’’اڈا پھلور‘‘ میں 10 جنوری 1973ء کو پیدا ہوئے۔ اِسی نسبت سے اپنے نام کے ساتھ پھلور کا لاحقہ استعمال کرتے ہیں۔

مجموعہ کلام

ان کے مجموعہ ہائے کلام میں

• ارحم عالم (غیر منقوط مجموعہ نعت)
• دل کے آنگن میں (شاعری) ،
• قربان شہہ والا ؐ(نعتیہ مجموعہ) ،
• ہم اور لوگ ہیں (شاعری) ،
• کیسے کہہ دوں مرے وطن میں امن ہے (طویل نظم )
• اور سرابوں کے سلسلے ( شعری مجموعہ) شامل ہیں۔