"امیرگان مسجد" کے نسخوں کے درمیان فرق

مسجد کی عمارت خشتی ہے جو دراصل پتھر اور [[چونا پتھر]] کی چنائی سے تعمیر کی گئی ہے۔ مسجد کا نقشہ مربع نما ہے جس کے وسط میں ایک صحنِ کبیر اور جامع انداز کا بنایا گیا ہے۔ مسجد کی عمارت دو منزلہ ہے، پہلی دوسری منزل میں بڑی کھڑکیاں لگائی گئی ہیں۔ مسجد کا ایک مینار ہے جو کم بلندہے اور اُس پر زریں کلس موجود ہے۔ عمارتِ مسجد کیایک جانب بالکونی بنائی گئی ہے جو اِس کی شاندار عمارت کو مزید خوبصورت کردیتی ہے۔ دور سے دیکھنے پر مسجد سفید [[سنگ مرمر]] کی معلوم ہوتی ہے مگر ایسا حقیقت میں نہیں ہے کیونکہ یہ سفید [[چونا پتھر]] ہے۔ مسجد کے شمال مغربی سمت میں داخلی دروازہ ہے۔ مسجد کی چھت لکڑی کی ہے جو اندرونی جانب سے خوبصورت مزین شدہ ہے۔ مسجد سے ملحقہ ایک کمرہ خاص ہے جسے 6 ستون سہارا دئیے ہوئے ہیں، اور یہ کمرہ خاص سلاطین کے لیے مخصوص تھا۔ مسجد کے صحن میں ایک فوارہ موجود ہے جس پر دو سطری اشعار تحریر کیے گئے ہیں جو [[خط ثلث]] میں ہیں۔ بعد ازاں یہ عمارتِ مسجد اور ملحقہ کمرہ خاص عثمانی [[خدیو مصر]] [[محمد علی پاشا]] کی زوجہ ممتاز قادین کو وقف کردیا گیا تھا۔