"خزیمہ بن ثابت" کے نسخوں کے درمیان فرق

[[صحابی]] ۔ نام خزیمہ ۔[[ کنیت]] ابوعمارہ۔ [[لقب]] ذوالشہادتین۔ خاندان ساعدہ۔ قبیلہ [[بنو خزرج]] ۔ ہجرت سے پیشتر [[مسلمان]] ہوئے اور تمام غزوات میں شرکت کی۔ [[جنگ صفین]] میں (جو شامی افواج (امیر معاویہ کی فوج) اور حضرت علی کرم اللہ وجہہ کی فوج کے درمیان ہوئی) جب شامی افواج نے حضرت [[عمار بن یاسر]] کو شہید کیا تو آپ تلوار اٹھا کر یہ کہتے ہوئے ان کے خلاف برسرپیکار ہوگئے کہ میں نے رسول اللہ سے سنا تھا کہ عمار کو باغی گروہ قتل کرے گا اور لڑتے ہوئے شہید ہوگئے{{حوالہ درکار}}۔

آنحضرت نے ایک [[بدو]] سے گھوڑا خریدا آپ نے ابھی دام ادا نہیں کیے تھے کہ بدو نے کسی اور سے قیمت طے کر لی اور رسول اللہ کے مطالبہ پر جواب دیاکہ میں نے گھوڑا آپ کے ہاتھ نہیں بیچا۔ رسول اللہ نے فریاما کہ میں تم سے خرید چکا ہوں۔ جس پر اس بدو نے کہا کہ گواہ لایئے۔ اس پر اور سب مسلمان تو خاموش رہے لیکن خزیمہ نے بڑھ کر کہا میں گواہ ہوں کہ تم نے رسول اللہ کے ہاتھ گھوڑا فروخت کیا ہے۔ چونکہ سودا کرتے وقت خزیمہ وہاں موجود نہ تھے۔ اس لیے رسول اللہ نے ان سے پوچھا کہ تم کس طرح گواہی دیتے ہو؟ آپ نے کہا کہ میں آپ کی بات کی تصدیق کرتا ہوں۔ اس پر حضور نے خوش ہو کر ان کو ذوالشہادتین کا لقب دیا۔ یعنی ان کی شہادت دو آدمیوں کی شہادت کے برابر کر دی<ref>سنن نسائی:جلد سوم:حدیث نمبر 956 </ref>۔ آپ نے رسول اللہ کی 38 [[احادیث]] بیان کی ہیں۔ جو کتب [[احادیث]] میں موجود ہیں۔