"خرید و فروخت" کے نسخوں کے درمیان فرق

وہ خلاق عالم جس کی قدرت کاملہ کا ادراک انسانی طاقت سے باہر ہے عرش سے فرش تک جدھر نظر کیجئے اُسی کی قدر ت جلوہ گرہے حیوانات و نباتات وجمادات اور تمام مخلوقات اُسی کے مظہر ہیں اُس نے اپنی مخلوقات میں انسان کے سر پر تاج کرامت وعزت رکھا اوراُس کو مدنی الطبع بنایا کہ زندگی بسر کرنے میں یہ اپنے بَنِی نوع کا مُحتاج ہے کیونکہ انسانی ضروریات اتنی زائداور اُن کی تحصیل میں اتنی دُشواریاں ہیں کہ ہر شخص اگر اپنی تمام ضروریات کا تنہا متکفل ہونا چاہے غالباًعاجز ہوکر بیٹھ رہے گا اور اپنی زندگی کے ایام خوبی کے ساتھ گزارنے نہ سکے گا۔ اُس حکیم مطلق نے انسانی جماعت کو مختلف شعبوں اور متعدد قسموں پر منقسم فرمایا کہ ہر ایک جماعت ایک ایک کام انجام دے اورسب کے مجموعہ سے ضروریات پوری ہوں۔ مثلاًکوئی کھیتی کرتا ہے کوئی کپڑا بُنتا ہے کوئی دوسری دستکاری کرتا ہے جس طرح کھیتی کرنے والوں کو کپڑے کی ضرورت ہے کپڑا بُنے والوں کو غلّہ کی حاجت ہے نہ یہ اُس سے مستغنی نہ وہ اس سے بے نیاز بلکہ ہر ایک کو دوسرے کی طرف احتیاج لہٰذا یہ ضرورت پیدا ہوئی کہ اِس کی چیز اُس کے پاس جائے اور اُس کی اِس کے پاس آئے تاکہ سب کی حاجتیں پوری ہوں اور کاموں میں دُشواریاں نہ ہوں ۔یہاں سے معاملات کا سلسلہ شروع ہوا بیع وغیرہرقسم کے معاملات وجود میں آئے ۔ اسلام چونکہ مکمل دین ہے اور انسانی زندگی کے ہر شعبہ پر اس کا حکم نافذ ہے جہاں عبادات کے طریقے بتاتا ہے معاملات کے متعلق بھی پوری روشنی ڈالتا ہے تاکہ زندگی کا کوئی شعبہ تشنہ باقی نہ رہے اور مسلمان کسی عمل میں اسلام کے سوا دوسرے کا مُحتاج نہ رہے ۔جس طرح عبادات میں بعض صورتیں جائز ہیں اور بعض نا جائز اسی طرح تحصیل مال کی بھی بعض صورتیں جائز ہیں اور بعض ناجائز اور حلال روزی کی تحصیل اس پر موقوف کہ جائز وناجائز کو پہچانے اور جائز طریقے پر عمل کرے ناجائز سے دور بھاگے قرآن مجید میں ناجائز طور پر مال حاصل کرنے کی سخت ممانعت آئی ۔۔http:www.dawateislami.net