"تارا بائی" کے نسخوں کے درمیان فرق

تارا بائی کا تعلق موہتے قبیلہ سے تھا، ان کے والد مشہور مرہٹہ جرنیل [[ہمبی راؤ موہتے]] تھے۔ نیز وہ [[سوئیرا بائی]] کی بھتیجی بھی تھیں، اس رشتے سے وہ اپنے شوہر راجا رام کی پھوپھی زاد بہن تھیں۔ سنہ 1700ء میں راجا رام کی وفات ہوئی تو تارا بائی نے اپنے شیرخوار بچے [[شیواجی دوم]] کو ان کا جانشین تسلیم کیا اور خود نائب السلطنت کے طور پر کام کرنے لگیں۔

 

نائب السلطنت کے طور پر تارا بائی نے [[اورنگ زیب]] کی افواج سے جنگ کرنے کی ذمہ داری سنبھالی۔ چونکہ انہیں گھڑ سوار افواج کی نقل و حرکت میں خاصی مہارت حاصل تھی، اس لیے جنگوں کے دوران میں ان کی چالیں کارگر ثابت ہوتیں۔ تارا بائی نے مغلوں سے جنگ جاری رکھی اور اس کی سربراہی کرتی رہی۔ ایک مرتبہ مغلوں سے مصالحت کی کوشش بھی کی جو اس انداز میں کی گئی تھی کہ مغلوں نے اسے فی الفور مسترد کر دیا اور نتیجتاً تارا بائی نے مرہٹہ مقاوت کو جاری رکھا۔ 1705ء تک مرہٹہ [[نرمدا ندی]] پار کر کے [[مالوہ]] پر حملہ آور ہو چکے تھے۔ سنہ 1707ء میں [[اورنگ آباد]] کے قریب واقع [[خلدآباد]] میں اورنگ زیب نے وفات پائی، ان کے وفات کی خبر سے مرہٹوں نے سکھ کا سانس لیا۔