"الحاق کی پالیسی" کے نسخوں کے درمیان فرق

== تاریخ ==

اس پالیسی کے نفاذ کے وقت برطانوی ایسٹ انڈیا کمپنی کو برصغیر کے وسیع خطوں پر شہنشاہ کی جانب انتظامی اختیارات حاصل تھے۔ چنانچہ کمپنی بہادر نے الحاق کی اس پالیسی کے تحت ستارا (1848ء)، [[ریاست جیت پور|جیت پور]] اور [[ریاست سمبل پور|سمبل پور]] (1849ء)، [[مملکت ناگپور|ناگپور]] اور [[ریاست جھانسی|جھانسی]] (1854ء)، [[ریاست تنجاور|تنجاور]] اور [[نواب کرناٹک|ارکاٹ]] (1855ء) اور [[ریاست ادے پور، چھتیس گڑھ|ادے پور]] ([[چھتیس گڑھ]]) پر تسلط حاصل کر لیا۔ [[ریاست اودھ|اودھ]] (1856ء) کے متعلق عموماً یہ کہا جاتا ہے کہ اس کا الحاق بھی اسی پالیسی کے تحت عمل میں آیا تھا۔ لیکن حقیقتاً لارڈ ڈلہوزی نے بد انتظامی کا بہانہ بنا کر اودھ پر قبضہ کیا تھا۔ کسی ریاست کے الحاق سے قبل عموماً یہ دعویٰ کیا جاتا کہ اس کے حکمران انتظام سلطنت کے اہل نہیں رہے۔ الحاق کی یہ پالیسی کمپنی بہادر کو سالانہ تقریباً چار ملین پاؤنڈ اسٹرلنگ کا سرمایہ فراہم کرتی تھی۔ سنہ 1860ء کو انگریزوں نے ادے پور ریاست کی نوابی بحال کر دی۔