"صلاۃ التسبیح" کے نسخوں کے درمیان فرق
حذف شدہ مندرجات اضافہ شدہ مندرجات
م خودکار درستی+صفائی (9.7) |
اضافہ مواد (ٹیگ: ترمیم از موبائل موبائل ویب ترمیم ایڈوانسڈ موبائل ترمیم) |
||
سطر 1:
صلاة التسبيح نفل نماز کی ایک قسم ہے ، جو ایک تشہد یا دو سلام کے ساتھ چار رکعت ہیں ، اسے صلاة التسابيح یا صلاة التسبيح کہتے ہیں اس کے نام کی وجہ تسمیہ یہ ہے کہ اس میں کثرت سے تسبیح شامل ہے ، اور تسبیح کے الفاظ جو حدیث میں وارد ہوئے ہیں یہ ہیں :
سبحان الله والحمد لله ولا إله إلا الله والله أكبر»، اور ایک روایت میں ان الفاظ کی زیادتی بھی ہے «ولا حول ولا قوة إلا بالله»،(1)
یہ تسبیح نماز کی ہر رکعت میں پچھتر بار پڑھی جاتی ہے.
اس نماز کے ادا کرنے کے دو طریقے ہیں :
طریقہ نمبر: 1. چار رکعت کی نیت باندھ کر ثنا اعوذ باللہ بسم اللہ اور قرأت کے بعد رکوع سے پہلے پندرہ مرتبہ سُبْحَانَ اللہِ وَالْحَمْدُ لِلَّہِ وَلَا إِلَہَ إِلَّا اللہُ وَاللہُ أَکْبَرُ پڑھ کر رکوع کرے اور رکوع میں تین مرتبہ سبحان ربی العظیم کہنے کے بعد پھر یہی تسبیح دس مرتبہ پڑھے پھر رکوع سے اٹھے اور سمع اللہ حمدہ اور ربنا لک الحمد کے بعد قومہ میں دس بار پڑھے پھر سجدہ میں جاکر سبحان ربی الاعلی تین بار پڑھنے کے بعد دس مرتبہ وہی تسبیح پڑھے پھر سجدہ سے اٹھ کر دس بار وہی تسبیح پڑھے پھر سجدہٴ ثانیہ میں اسی طرح دس مرتبہ پڑھے۔ پھر سجدہ سے سراٹھاکر اللہ اکبر کہہ کر بیٹھے اور دس مرتبہ پڑھ کر بغیر اللہ اکبر کہے دوسری رکعت کے لیے کھڑا ہوجائے، تو اس طرح ایک رکعت میں 75 مرتبہ ہوگئے اور اسی طرح دوسری رکعت پڑھ کر جب التحیات کے لیے بیٹھے، تو اولاً دس مرتبہ پڑھے پھر التحیات پڑھے اسی طرح چاروں رکعتیں پوری کرلیا کریں، یہ کل ۳۰۰ مرتبہ ہوگئے۔
اور یہ طریقہ ابو داؤد ، ترمذی ، ابن ماجہ اور دیگر محدثین نے بیان کیا ہے.
دوسری روایتوں میں عبد اللہ بن المبارک کے قول میں ہے:
طریقہ نمبر:2۔ نیت باندھ کر ثنا کے بعد پندرہ مرتبہ یہ تسبیح پڑھے، پھر اعوذ باللہ اور بسم اللہ اور قرأت کے بعد رکوع سے پہلے دس مرتبہ، پھر رکوع میں دس مرتبہ، پھر رکوع سے کھڑے ہوکر دس مرتبہ، پھر سجدہ میں دس مرتبہ پھر سجدہ سے اٹھ کر دس مرتبہ پھر سجدہٴ ثانیہ میں دس مرتبہ پڑھ کر بغیر بیٹھے اللہ اکبر کہہ کر کھڑا ہوجائے تو ایک رکعت 75 مرتبہ ہوگئے، اسی طرح چاروں رکعت پوری کرے کل 300 مرتبہ ہوجائیں گے، یہ طریقہ عام لوگوں کے لیے آسان ہے۔
ہوسکے تو یہ نماز روزانہ ایک بار پڑھ لیا کرے اور اگر نہ ہوسکے تو ہر جمعہ کو ایک بار پڑھ لیا کرے، یہ نہ ہوسکے تو مہینہ میں ایک بار پڑھ لیا کرے، یہ بھی نہ ہوسکے تو سال بھر میں ایک دفعہ پڑھ لیا کرے، اور ا گر یہ بھی نہ ہوسکے تو کم ازکم زندگی بھر میں ایک بار ضرور پڑھ لے۔
جمہور علماء کے نزدیک یہ مستحب ہے امام احمد بن حنبل رحمہ اللہ کے اس سلسلہ میں دو قول ہیں ایک قول کے مطابق وہ اسے غیر مستحب مانتے ہیں, کیونکہ یہ حدیث ان کے نزدیک ثابت نہیں۔[2]
حالانکہ جمہور محققین کے نزدیک صلاة التسبيح کی حدیث ثابت ہے, ان لوگوں کے برخلاف جو یہ کہتے ہیں کہ یہ ثابت نہیں ، اور قاعدہ یہ ہے کہ اثبات مقدم ہے نفی پر اور جو جانتا ہے وہ دلیل ہے نہ جاننے والوں کے خلاف۔ [1]
| |||