رام ناتھ گوئنکا انعام یافتگان کی فہرست

رام ناتھ گوئنکا (22 اپریل 1904– 5 اکتوبر 1991) ایک بھارتی اخبار کے ناشر تھے۔ انہوں نے دی انڈین ایکسپریس کو 1932ء میں شروع کیا تھا اور اسی کے فروغ کے لیے انڈین ایکسپریس گروپ شروع کیا جو کئی انگریزی اور بھارتی زبانوں کی مطبوعات کو فروغ دیتا ہے۔ ان کے سانحہ ارتحال کے بعد ان کی یاد میں رام ناتھ گوئنکا انعام قائم کیا گیا جو بھارت میں صحافت کے شعبے میں عمدہ کام کرنے والوں کو دیا جاتا ہے۔ اس کے انعام یافتگان اس طرح ہیں:

تنازع کے خطوں کے نامہ نگار

• دیپنکر گھوش، انڈین ایکسپریس: انہوں نے بستر ضلع سے خبروں کا احاطہ کیا جہاں ریاستی حکومت کا اکثر ماؤ نوازوں سے تصادم رہتا ہے۔

• دھیرج کمار، متوفی اَچْیُوت نندا ساہو اور مور مُکُٹ شرما جن سب کا تعلق ڈی ڈی نیوز چینل سے رہا ہے۔ ان میں سے اچیوت نندا ساہو نے اس وقت اپنی جان گنوائی تھی جب ان کی ٹیم نکسلی حملوں کی زد میں آئی تھی۔ یہ لوگ نِلیا گاؤں سے خبروں کا احاطہ کر رہے تھے۔