"ابرہہ" کے نسخوں کے درمیان فرق

'''ابرہہ''' حبشہ ([[ایتھوپیا]]) کا بادشاہ تھا جس نے 525ء میں [[یمن]] فتح کیا۔ مسیحیت کا پر جوش حامی تھا۔ اس نے یمن کے دار الحکومت صنعا میں ایک عالی شان گرجا تعمیر کروا دیا تھا۔ 570ء میں [[مکہ]] پر حملہ کیا جس کا مقصد [[خانہ کعبہ]] کو منہدم کر کے صنعا کے گرجے کو مرکزی عبادت گاہ کا درجہ دینا تھا۔ ابرہہ کی فوج میں ایک ہاتھی بھی تھا جس کا نام ابن ہشام نے محمود لکھا ہے۔ چونکہ عربوں کے لیے یہ ایک انوکھی چیز تھی اس لیے انھوں نے حملے کے سال کا نام [[عام الفیل]] (ہاتھی کا سال) رکھ دیا۔ [[قرآن]] مجید کی [[الفیل|سورۃ فیل]] میں ہے کہ جب ابراہہ نے مکے پر حملہ کیا تو خدا نے مکے والوں کی مدد کے لیے ابابیلیں بھیجیں جن کے پنجوں میں کنکریاں تھیں۔ یہ کنکری جس شخص کو لگ جاتی، اس کا بدن پھٹ جاتا اور وہ تڑپ تڑپ کر مرجاتا۔ اس طرح ابراہہ کو بے نیل مرام واپس جانا پڑا۔ یہ واقعہ رسول اللہ {{درود}} کی ولادت سے پچاس روز پہلے کا ہے۔ اسی سال مکے میں [[چیچک]] کی وبا پھیلی جس سے اکثر مستششرقینمستشرقین اور کچھ مسلمان علما نے بھی یہ نتیجہ نکالا ہے کہ ابرہہ کی پسپائی کا سبب دراصل یہی وبا تھی جس کے باعث اس کی فوج کا ایک بڑا حصہ ناکارہ ہو گیا تھا۔