"جگدیش چندر وید" کے نسخوں کے درمیان فرق

== ناول نگاری ==

جگدیش چندر وید پنجابی لوک زندگی، خاص کر دلت طبقے کی مشکلات اور مسائل کو اپنے ناولوں کا موضوع بنانے والے ناول نگار ہیں۔ کافی عرصے تک ان کے ناول نصابی کتب کے طور پر پڑھائے جا رہے ہیں ۔ان کا ناول دھرتی دھن نا اپنا نچلے طبقے کے لوگوں کی بے بسی اور ان کی زندگی کے درد حقیقی انداز میں پیش کرنے والا ایک اہم ناول مانا گیا ہے۔ پنجاب کے دیہات کی صحیح تصویر دیکھنی ہو تو ان کے ناولوں کو پڑھنا کافی ہوگا۔

== ناولوں کے ترجمے ==

ناول دھرتی دھن نا آپنا کا ترجمہ اردو، پنجابی، روسی اور جرمن زبانوں میں جب کہ آدھا پلّ انگریزی میں شائع ہو چکا ہے۔ کبھی نہ چھوڑے کھیت ناول پر ایک ڈرامہ بن چکا ہے۔ جگدیش چندر کے لئے لکھنا نہ تو کاروبار رہا ہے اور نہ ہی دولت پیدا کرنے کا ذریعہ۔ انہوں نے اپنی زندگی میں جو دیکھا جو تجربات انہیں حاصل ہوئی ان کو انہوں نے من و عن اپنے ناولوں میں بیان کردیا۔ معاشیات کا طالب علم ہونے کے ناطے ان کے ناولوں میں سماجی مسائل کی جھلک زیادہ دکھائی دیتی ہے، طبقاتی جدوجہد کے احساسات کو زیادہ ابھارا گیا ہے۔ان کی سوچ مارکسزم سے متاثر ہے۔