سات رشی

سات رشی یا سَپتْ رِشی ہندو مت کے سات بزرگ بابا جن کا ذکر ویدوں میں اور ہندو مذہب کی دوسری کتابوں میں آیا ہے۔ وہ ہندو مذہب میں مقدس بزرگ اور دانشور بابا کی حیثیت رکھتے ہیں۔

قدیم بھارتی فلکیات میں سات ستاروں پر مشتمل دب اکبر جس کو بنات النعش بھی کہا جاتا ہے، کو سپت رشی کہا جاتا تھا، انھیں کے نام پر ہندو مت کے ان بزرگوں کو بھی سپت رشی کہا جاتا ہے۔

نام

ویدوں کا مطالعہ کے بعد جو سات رشیوں کا نام سامنے آتا ہے وہ درج ذیل ہے:-

1. وسشٹھ: مہا بھارت عہد میں راجا دشرتھ کے سرپرست اور اس کے چار لڑکوں کے معلم کہا جاتا ہے۔

1. وشومتر: پہلے راجا تھے، پھر ایک گائے کو پکڑنے کے معاملے میں وسشٹھ رشی سے جنگ ہوئی شکست کے بعد بابا کے ہاتھوں میں ہاتھ دے دیا اور ان کی رہنمائی میں خوب مجاہدہ کیا، ان کے مجاہدے کی بہت سی کہانیاں بیان کی جاتی ہیں۔

1. کَنوا: وید عہد کے بابا تھے، انھیں کے آشرم میں راجا دشینت کی بیٹی شکنتلا اور بیٹے بھرت کی پرورش و تربیت ہوئی تھی۔

1. بھاردواج: وید کے باباؤں میں ان کا ایک خاص مقام ہے، "بھاردواج اسمرتی" اور "بھاردواج سہنتا" کا مصنف بھی خیال کیا جاتا ہے۔

1. اتری: رگ وید کے پانچویں حصے میں ان کا ذکر ہے، برہما کے بیٹے، سومی کے والد اور انوسویا کے شوہر مانے جاتے ہیں۔

1. واما دیو: رگ وید کے چوتھے حصے میں تذکرہ ہے، مانا کیا جاتا ہے کہ انھوں نے ہی موسیقی دی ہے۔

1. شونک: وید عہد میں گروکل یونیورسٹی کا سربراہ خیال کیا جاتا ہے، جس میں 10 ہزار سے زیادہ طلبا تھے۔

ان کے علاوہ اور بھی دوسرے رشی ہیں جو مذکورہ سات رشیوں سے خاندانی یا علمی نسبت ہونے کی وجہ سے ہندو مت میں معزز سمجھے جاتے ہیں، مثلاً: آگستہ، کشیپ، یگوالکیا اور گوتم وغیرہ۔