"تاریخ ہند" کے نسخوں کے درمیان فرق

چوتھی اور تیسری صدی ق م کے دوران میں برصغیر ہند کے بیشتر حصہ کو [[موریا|موریا سلطنت]] نے فتح کر لیا۔ تیسری صدی ق م سے شمالی ہندوستان میں [[پراکرت]] اور [[پالی (زبان)|پالی]] ادب کا اور جنوبی ہند میں [[تمل زبان|تمل]] اور [[سنگم ادب]] کا ارتقا شروع ہوا اور ان زبانوں کا ادب اپنے جغرافیائی سرحدوں سے نکل کر ممالکِ غیر تک جا پہنچا۔ [[کلاسیکی ہندوستان|کلاسیکی عہد]] میں اگلے پندرہ سو برس تک ہندوستان کے مختلف خطوں پر متفرق بادشاہوں کا تسلط رہا جن میں [[گپتا سلطنت]] کا عہد گوناگوں وجوہ سے ممتاز ہے۔ اس عہد میں ہندو مت اور اس کے مفکرین از سر نو ابھر کر سامنے آئے، ان کی سرگرمیاں بڑھیں اور برہمنیت کو پھر سے فروغ نصیب ہوا۔ انھی وجوہ کی بنا پر یہ عہد "[[ہندوستان کا عہد زریں]]" کہلاتا ہے۔ اسی دور میں ہندوستانی تہذیب و ثقافت اور مذہب و تمدن کے مختلف پہلوؤں سے ایشیا کا بڑا خطہ متعارف ہوا، نیز جنوبی ہند کی مملکتوں نے بحری راستوں کے ذریعہ مشرق وسطیٰ اور [[بحیرہ روم]] سے اپنے تجارتی روابط قائم کیے۔ چنانچہ اب [[جنوب مشرقی ایشیا]] کا بڑا حصہ ہندوستان کی تہذیب و ثقافت سے متاثر ہونے لگا اور اسی صورت حال نے آگے چل کر جنوب مشرقی ایشا میں خالص ہندوستانی مملکتوں ([[عظیم تر ہندوستان]]) کے قیام کی راہ ہموار کی۔

 

 

آٹھویں صدی کے آغاز میں برصغیر میں [[برصغیرمیں مسلم فتح|عربوں کی آمد]] ہوئی اور انھوں نے [[افغانستان]] اور [[سندھ]] میں اپنی حکومت قائم کر لی۔ پھر [[محمود غزنوی]] کا ورود ہوا۔ سنہ 1206ء میں وسط ایشیائی [[ترک]]وں [[سلطنت دہلی]] کی بنیاد رکھی اور چودھویں صدی عیسوی کے اوائل تک شمالی ہند کے ایک بڑے حصہ پر اپنا اقتدار مستحکم کر لیا لیکن چودھویں صدی کے ختم ہوتے ہوتے ان کا زوال بھی شروع ہو گیا۔ سلطنت دہلی کے زوال سے [[دکن سلطنتیں]] ابھریں۔ [[شاہی بنگالہ|سلطنت بنگالہ]] بھی ایک اہم قوت کے طور پر نمودار ہوئی اور تین صدیوں تک مسلسل تخت اقتدار پر متمکن رہی۔ سلطنت دہلی کے اسی عہد زوال میں [[وجے نگر سلطنت]] اور [[مملکت میواڑ|میواڑ]] کے پہلو بہ پہلو مختلف طاقت ور ہندو اور راجپوت ریاستیں بھی ابھریں۔ پندرھویں صدی عیسوی میں [[سکھ مت]] کا ظہور ہوا۔ سولھویں صدی عیسوی سے عہد جدید کی ابتدا ہوتی ہے جب [[مغلیہ سلطنت]] نے برصغیر ہند کے بڑے رقبہ کو اپنے زیر نگین کر کے دنیا میں صنعت کاری کے ابتدائی نمونے پیش کیے اور عالمی سطح پر عظیم ترین معیشت بن گئی۔ سلطنت مغلیہ کے عہد میں ہندوستان کی مجموعی گھریلو پیداوار دنیا کی چوتھائی گھریلو پیداوار تھی جو یورپ کی کل گھریلو پیداوار سے زیادہ ہے۔ اٹھارویں صدی کے اوائل میں مغلوں کا تدریجاً زوال شروع ہوا جس کی بنا پر [[مرہٹہ سلطنت|مرہٹوں]]، [[سکھ سلطنت|سکھوں]]، [[سلطنت خداداد میسور|میسوریوں]]، [[نظام حیدرآباد|نظاموں]] اور [[نواب بنگال اور مرشدآباد|نوابان بنگالہ]] کو برصغیر ہند کے بہت بڑے رقبے پر زور آزمائی کا موقع مل گیا اور جلد ہی متفرق طور پر ان کی علاحدہ علاحدہ ریاستیں وجود میں آگئیں۔