البغدادی

موفق الدین ابو محمد عبد اللطیف البغدادی ہے، بغداد میں 557ھ کو پیدا ہوئے اور وہیں پر ادب، فقہ، قرآن، حدیث، حساب اور فلک کی تعلیم حاصل کی، پھر مصر چلے گئے اور یس السیمیائی (الکیمیائی) کے ہاتھوں فلسفہ اور کیمیا کی تعلیم حاصل کی، جبکہ طب کی تعلیم موسی بن میمون الطبیب کے ہاتھوں حاصل کی، اس کے بعد دمشق منتقل ہو گئے جہاں کچھ عرصہ طبی علوم پر کام کرتے رہے، پھر العزیز ابن صلاح الدین کے زمانے میں دوبارہ مصر آ گئے جہاں انھیں ازہر شریف (جامعہ الازہر) میں تدریس کی ذمہ داری سونپی گئی، اس زمانے میں ازہر شریف میں تدریس بہت بڑی عزت کی بات ہوتی تھی جو کسی قسمت والے سائنس دان کو ہی حاصل ہوپاتی تھی، زندگی کے آخری ایام میں وہ واپس دمشق اور حلب آ گئے جہاں 629ھ کو انتقال کر گئے۔

البغدادی
(عربی میں: عبد اللطيف بن يُوسُف بن مُحمَّد بن علي البغدادي)
معلومات شخصیت
پیدائش	سنہ 1162ء   بغداد
وفات	8 نومبر 1231ء (68–69 سال)  بغداد
عملی زندگی
استاذ	ابن التلمیذ
پیشہ	طبیب ،  ماہر مصریات ،  جامع العلوم ،  سفرنامہ نگار ،  مصنف ،  ماہر آثاریات ،  مورخ
پیشہ ورانہ زبان	عربی
شعبۂ عمل	قواعدِ زبان ،  بلاغت ،  الٰہیات ،  اُصول قانون ،  طب ،  فلسفہ ،  تاریخ ،  مصریات
ملازمت	جامعہ الازہر

ہم تک پہنچنے والی ان کی اہم تصانیف میں “الافادہ والاعتبار” ہے جس میں انھوں نے مصر کا احوال اور اپنے مشاہدات کے علاوہ مصر کے پودوں اور جانوروں پر بھی گہری تفصیلات لکھی ہیں اور پودوں کی طبی خصوصیات بیان کی ہیں۔