جبلالطارق
جبلالطارق جزیرہ نما آئبیریا کے انتہائی جنوب میں برطانیہ کے زیر قبضہ علاقہ ہے جو آبنائے جبل الطارق کے ساتھ واقع ہے۔جبل الطارق مشہور مسلمان جرنیل طارق بن زیاد کے نام سے موسوم ہے۔ جبل الطارق کی سرحدیں شمال میں اسپین کے صوبہ اندلسیہ سے ملتی ہیں۔ جبل الطارق تاریخی طور پر برطانوی افواج کے لیے انتہائی اہم مقام ہے اور یہاں برطانوی بحریہ کی بیس قائم ہے۔
| جبلالطارق | |
|---|---|
 |
 |
 |
|
| شعار(لاطینی میں: Montis Insignia Calpe) | |
| ترانہ: | |
| زمین و آبادی | |
| متناسقات | 36°08′N 5°21′W / 36.14°N 5.35°W [1] |
| رقبہ | |
| سطح سمندر سے بلندی |
|
| دارالحکومت | جبرالٹر |
| سرکاری زبان | انگریزی |
| آبادی | |
| حکمران | |
| اعلی ترین منصب | چارلس سوم (8 ستمبر 2022–) |
| قیام اور اقتدار | |
| تاریخ | |
| یوم تاسیس | 1704 |
| عمر کی حدبندیاں | |
| شادی کی کم از کم عمر | |
| دیگر اعداد و شمار | |
| منطقۂ وقت | مرکزی یورپی وقت |
| ٹریفک سمت | دائیں |
| سرکاری ویب سائٹ | باضابطہ ویب سائٹ |
| آیزو 3166-1 الفا-2 | GI |
| بین الاقوامی فون کوڈ | +350 |
| |
درستی - ترمیم  | |
انگریزی نام جبرالٹر عربی نام جبل الطارق سے ماخوذ ہے جو بنو امیہ کے ایک جرنیل طارق بن زیاد کے نام پر جبل الطارق کہلایا جنھوں نے 711ء میں اندلس میں فتوحات حاصل کرنے کے بعد یہاں مسلم اقتدار کی بنیاد رکھی تھی۔
اسپین نے برطانیہ سے جبل الطارق واپس کرنے کا مطالبہ کیا ہے جو 1713ء میں ایک معاہدے کے تحت برطانیہ کے حوالے کیا تھا۔
جبل الطارق 6.5 مربع کلومیٹر (2.5 مربع میل) ہے اور آبادی 2005ء کے مطابق 27 ہزار 921 ہے۔
اس مقام پر پہلی آبادی موحدین کے سلطان عبدالمومن نے قائم ہے جنھوں نے اس کی پہاڑی پر ایک قلعہ تعمیر کرنے کا حکم دیا جو آج بھی موجود ہے۔ 1309ء تک یہ علاقہ امارت غرناطہ کا حصہ رہا جب قشتالہ کے عیسائیوں نے اس پر قبضہ کر لیا۔ 1333ء میں بنو مرین نے اس پر قبضہ کرکے 1374ء میں اسے مملکت غرناطہ کے حوالے کر دیا۔ 1462ء میں عیسائیوں نے اسے فتح کرکے اسپین میں 750 سالہ مسلم اقتدار کا خاتمہ کر دیا۔
4 اگست 1704ء کو برطانیہ نے اس پر قبضہ کر لیا اور فرانسیسی و ہسپانوی دستے سالوں کی کوشش کے باوجود جبل الطارق فتح نہ کرسکے اور بالآخر 1713ء میں ایک معاہدے کے تحت جبل الطارق برطانیہ کے حوالے کر دیا گیا۔
نہر سوئز کی تعمیر کے بعد جبل الطارق اپنے محل وقوع کے باعث انتہائی اہمیت اختیار کرگیا کیونکہ سلطنت برطانیہ اپنی نوآبادیات ہندوستان اور آسٹریلیا کے ذریعے آسان بحری راستے سے منسلک ہو گیا۔
دوسری جنگ عظیم کے دوران یہاں کی آبادی کو منتقل کر دیا گیا اور پہاڑی کو قلعے میں تبدیل کر دیا گیا اور ایک ہوائی اڈا بھی تعمیر کیا گیا۔ جنگ کے دوران نازی جرمنی نے بحیرہ روم میں داخلے کے اس راستے پر قبضے کے لیے ایک آپریشن کا آغاز کیا جسے آپریشن فیلکس کا نام دیا تاہم یہ ناکام ہو گیا۔
جبل الطارق اسپین اور برطانیہ کے درمیان تنازعات کا اہم ترین سبب ہے۔ 1967ء میں یہاں ایک استصواب کروایا گیا جس میں آبادی کی اکثریت نے برطانیہ کے حق میں ووٹ دیا جس پر اسپین نے جبل الطارق کے ساتھ اپنی سرحد اور تمام راستے بند کر دیے۔
1981ء میں برطانیہ نے اعلان کیا کہ شہزادہ چارلس اور لیڈی ڈیانا ہنی مون جبل الطارق میں منائیں گے جس پر اسپین کے بادشاہ یوان کارلوس اول نے دونوں کی شادی میں شرکت سے انکار کر دیا اور لندن نہیں گئے۔
اسپین کے ساتھ سرحد 1982ء میں عارضی اور 1985ء میں مکمل طور پر کھول دی گئی۔
جغرافیہ ترمیم
فہرست متعلقہ مضامین جبل الطارق ترمیم
| ویکی ذخائر پر جبلالطارق سے متعلق سمعی و بصری مواد ملاحظہ کریں۔ |
- ↑ "صفحہ جبلالطارق في خريطة الشارع المفتوحة"۔ OpenStreetMap۔ اخذ شدہ بتاریخ 17 اپریل 2024ء