جنسی ہراسانی

جنسی ہراسانی سے مراد ملازمت یا رشتے داری یا کسی اور وجہ سے جس سے کہ کسی فرد کو دوسرے شخص پر بالادستی حاصل ہو، یوں ناجائز طور جنسی معاملوں میں پریشان کرے، تکلیف پہنچائے یا غیر رضاکارانہ طور پر اپنی ہوس کا نشانہ بنانے کی کوشش کرے۔ حالانکہ جنسی ہراسانی کے واقعات دفاتر، اسکول، کالج، ہاسٹل، یتیم خانوں، بیواؤں کے لیے خصوصی رہائشوں، حتی کہ گھروں وغیرہ پر بھی سامنے آئے ہیں، مگر ہراسانی کے سب سے زیادہ معاملے کام کی جگہ پر دیکھنے میں آئے ہیں۔ ان واقعات کی شکار کئی مرد اور خواتین ہو چکی ہیں اور آج بھی ہو رہی ہیں حالانکہ قوانین، عدالتی فیصلے اور خودان واقعات کے رونما ہونے سے روکنے کے لیے کئی ادارہ جاتی کوششیں کی گئی ہیں۔

راجستھان ریاستی کمیشن پرائے خواتین کے ایک خط کا عکس جس میں جنسی ہراسانی پر آمادہ ایک لیکچرار کی زیادتی کا تذکرہ ملتا ہے۔

جنسی ہراسانی کی شکلیں

جنسی ہراسانی حسب ذیل شکلیں لے سکتی ہے:

• کوئی بھی غیر ضروری اور مشتعل کرنے والی جنسی پہل۔
• راست یا بالواسطہ طور پر جنسی کارگزاری کو ترقی یا آگے پڑھنے کے لیے ضروری بنانا۔
• جنسی طور پر نامناسب تبصرے کرنا۔
• واضح طور جنسی اعمال کو دیگر ملازمین کے سامنے لانا۔
• غیر ضروری چھونا۔
• یہ سجھانا کہ جنسی طور پر مشتعل کرنے والے کپڑوں کو کام کی جگہ پہن کرنا آنا ضروری ہے۔

جنسی ہراسانی کے معاملوں پر تربیت

چونکہ جنسی ہراسانی کے معاملے کام کی جگہ اکثر دیکھنے میں آئے ہیں، اس لیے کمپنیاں حسب ذیل تدابیر ان کے سد باب کے طور پر دنیا بھر میں اپنا رہی ہیں:

• خصوصی تعلیمی ویڈیوز کی اسکریننگ جن میں جنسی ہراسانی کے مختلف پہلوؤں پر روشنی ڈالی جاتی ہے۔
• راست ملازمین سے گفتگو، شکایات کی سماعت اور یکسوئی کی کوشش۔
• جنسی ہراسانی کی خصوصی جنسی ہراسانی اکائ (سیل) کا قیام۔
• کام کی جگہ کا ضابطہ اخلاق (لباس، کپڑے، طور طریقے، وغیرہ) کا نفاذ جس سے جنسی ہراسانی نہ ہو۔