خبر واحد (اصطلاح حدیث)

واحدکا معنیٰ ایک ہے۔ علم حدیث میں خبر واحدسے مراد وہ حدیث ہے جس کو روایت کرنے والے راوی محصور و معین (محدود اور کم) ہوں۔ اس کی جمع اخبار آحاد ہے۔ خبر احاد کی تین اقسام ہیں:

1. مشہور: وہ حدیث جس کے راوی ابتدائے سند سے لے کر آخر تک تین سے زیادہ اور دس سے کم ہوں۔
2. عزیز: ایسی حدیث ہے جس کے راوی ابتدا سے لے کر آخر تک ایک سے زیادہ اور تین سے کم، یعنی دو ہوں۔
3. غریب: ایسی حدیث جس کی سند کسی طبقے میں کسی مقام پر صرف ایک راوی رہ گیا ہو۔

خبر واحد کی مثال

وہ خبرِواحد ہے جس کی سند کسی مقام پر صرف ایک ہی راوی سے چلی ہو، مثلاً کسی صحابی سے ایک ہی تابعی نے روایت کیا ہو؛ گواس کے بعد پھر تفرد نہ رہا ہو، جیسے بخاری کی یہ روایت ہے: "الْإِيمَانُ بِضْعٌ وَسَبْعُونَ أَفْضَلُهَا لَاإِلَهَ إِلَّااللَّهُ وَأَدْنَاهَا إِمَاطَةُ الْأذَی عَنْ الطَّرِيقِ"۔ اسے حضرت ابوہریرہؓ سے صرف ابوصالح تابعیؒ نے روایت کیا ہے اور ابوصالح سے حضرت عبد اللہ بن دینار نے اس طرح کی حدیث غریب کوفرد بھی کہتے ہیں۔