عبداللہ شفیق

عبد اللہ شفیق پیدائش 20 نومبر 1999ء) ایک پاکستانی بین الاقوامی کرکٹ کھلاڑی ہے جو تمام فارمیٹس میں پاکستان کی قومی کرکٹ ٹیم کے لیے کھیلتا ہے۔ ایک دائیں ہاتھ کا ٹاپ آرڈر بلے باز، وہ پی ایس ایل میں لاہور قلندرز کے لیے بھی کھیلتا ہے اور اس سے قبل پاکستان کی مقامی کرکٹ میں وسطی پنجاب اور بلوچستان کے لیے بھی کھیل چکا ہے۔ شفیق 20 نومبر 1999ء کو پنجاب کے ایک مقامی قصبے سیالکوٹ میں ایک پنجابی گھرانے میں پیدا ہوئے۔ ان کے والد شفیق احمد طویل عرصے سے دبئی کے رہائشی ہیں، جہاں وہ 1991ء میں منتقل ہوئے تھے۔ وہ ایک پیشہ ور کرکٹ کھلاڑی تھے اور بعد میں کرکٹ کوچ بن گئے۔ ان کے چچا ارشد علی متحدہ عرب امارات کے لیے بین الاقوامی کرکٹ کھیلتے تھے۔ کرکٹ کے باہر وہ موسیقی سے بھی لطف اندوز ہوتے ہیں، خود ایک گلوکار ہیں اور گٹار بجاتے ہیں۔ ان کے گائے ہوئے مختلف گانے وائرل ہو چکے ہیں۔

عبد اللہ شفیق

ذاتی معلومات
پیدائش	(1999-11-20) 20 نومبر 1999 سیالکوٹ، پنجاب، پاکستان
قد	5 فٹ 10 انچ (178 سینٹی میٹر)
بلے بازی	دائیں ہاتھ کا بلے باز
گیند بازی	دائیں بازو آف بریک
حیثیت	ٹاپ آرڈر بلے باز
تعلقات	ارشد علی (چچا)
بین الاقوامی کرکٹ
قومی ٹیم	پاکستان (2020–تاحال)
پہلا ٹیسٹ (کیپ 246)	26 نومبر 2021  بمقابلہ  بنگلہ دیش
آخری ٹیسٹ	17 دسمبر 2023  بمقابلہ  آسٹریلیا
پہلا ایک روزہ (کیپ 238)	21 اگست 2022  بمقابلہ  نیدرلینڈز
آخری ایک روزہ	4 نومبر 2023  بمقابلہ  نیوزی لینڈ
ایک روزہ شرٹ نمبر.	57
پہلا ٹی20 (کیپ 89)	10 نومبر 2020  بمقابلہ  زمبابوے
آخری ٹی20	27 مارچ 2023  بمقابلہ  افغانستان
ٹی20 شرٹ نمبر.	57
ملکی کرکٹ
عرصہ	ٹیمیں
2019/20–2020/21	سنٹرل پنجاب (اسکواڈ نمبر. 57)
2021/22–2023	بلوچستان (اسکواڈ نمبر. 57)
2022–تاحال	لاہور قلندرز (اسکواڈ نمبر. 57)
کیریئر اعداد و شمار
مقابلہ ٹیسٹ ایک روزہ ٹوئنٹی20 بین الاقوامی میچ 14 12 6 رنز بنائے 1,220 416 64 بیٹنگ اوسط 50.83 34.66 12.80 سنچریاں/ففٹیاں 4/4 1/4 0/0 ٹاپ اسکور 201 113 41* کیچ/سٹمپ 12/- 5/– 3/–
ماخذ: کرک انفو، 4 نومبر2023

مقامی کرکٹ کیریئر

نومبر 2017ء میں، شفیق کو 2018ء کے پاکستان سپر لیگ پلیئرز ڈرافٹ میں ملتان سلطانز نے خریدا لیکن وہ مقابلے میں نہیں کھیلے۔ دسمبر 2019ء میں، اس نے سنٹرل پنجاب کے لیے 2019-20 ءقائد اعظم ٹرافی میں اپنا فاول درجہ ڈیبیو کیا، اس نے 133 رنز بنائے۔ ستمبر 2020ء میں، اس نے سنٹرل پنجاب کے لیے 2020-21ء نیشنل ٹی 20 کپ میں اپنا ٹوئنٹی 20 ڈیبیو کیا، ناٹ آؤٹ 102 رنز بنائے۔ اس کے نتیجے میں، وہ اپنے اول درجہ اور ٹوئنٹی20 ڈیبیو پر سنچری بنانے والے پہلے پاکستانی بلے باز بن گئے۔ دسمبر 2021ء میں، شفیق کو 2022ء کے پاکستان سپر لیگ سیزن کے لیے لاہور قلندر کے اسکواڈ میں شامل کیا گیا۔

بین الاقوامی کیریئر

اکتوبر 2020ء میں، قومی ٹوئنٹی20 کپ میں ان کی کارکردگی کے بعد، انھیں زمبابوے کے خلاف پاکستان کی ہوم سیریز کے لیے "ممکنہ" کے 22 رکنی اسکواڈ میں شامل کیا گیا۔ نومبر 2020ء میں، انھیں زمبابوے کے خلاف تیسرے ایک روزہ بین الاقوامی میچ کے لیے پاکستان کے 15 رکنی اسکواڈ میں شامل کیا گیا، حالانکہ وہ نہیں کھیلے تھے۔ اس نے 10 نومبر 2020ء کو زمبابوے کے خلاف، پاکستان کے لیے اپنا ٹوئنٹی 20 انٹرنیشنلڈیبیو کیا اسی مہینے، انھیں نیوزی لینڈ کے دورے کے لیے پاکستان کے 35 رکنی اسکواڈ میں شامل کیا گیا تھا۔ جنوری 2021ء میں، انھیں جنوبی افریقہ کے خلاف سیریز کے لیے پاکستان کے ٹیسٹ اسکواڈ میں شامل کیا گیا۔ مارچ 2021ءمیں، انھیں جنوبی افریقہ کے خلاف سیریز کے لیے پاکستان کے ون ڈے انٹرنیشنل اسکواڈ میں شامل کیا گیا، اور زمبابوے کے خلاف ان کی سیریز کے لیے ان کے ٹیسٹ اسکواڈ میں بھی شامل رہے ۔ جون 2021ء میں، شفیق کو دوبارہ پاکستان کے ون ڈے سکواڈ میں شامل کیا گیا، اس بار انگلینڈ کے خلاف سیریز کے لیے۔ انھیں ویسٹ انڈیز کے خلاف سیریز کے لیے پاکستان کے ٹیسٹ سکواڈ میں بھی شامل کیا گیا تھا۔ ستمبر 2021ء میں، انھیں نیوزی لینڈ کے خلاف سیریز کے لیے پاکستان کی ون ڈے ٹیم میں شامل کیا گیا۔ اگلے مہینے، انھیں سری لنکا کے دورے کے لیے پاکستان شاہینز کی ٹیم میں شامل کیا گیا۔ نومبر 2021ء میں، انھیں بنگلہ دیش کے خلاف سیریز کے لیے پاکستان کے ٹیسٹ اسکواڈ میں شامل کیا گیا۔ انھوں نے اپنا ٹیسٹ ڈیبیو 26 نومبر 2021 ءکو پاکستان کے لیے بنگلہ دیش کے خلاف کیا۔ فروری 2022ء میں، شفیق کو آسٹریلیا کے خلاف سیریز کے لیے پاکستان کے ٹیسٹ اسکواڈ میں شامل کیا گیا۔ عبد اللہ شفیق نے پہلے میچ کی چوتھی اننگز میں اپنی پہلی سنچری اسکور کی۔ انھوں نے تین ٹیسٹ میچوں کے دوران 397 رنز بنائے۔ مارچ 2022ء میں، شفیق کو آسٹریلیا کے خلاف سیریز کے لیے پاکستان کے ایک روزہ بین الاقوامیاسکواڈ میں شامل کیا گیا۔ مئی 2022ء میں، انھیں ویسٹ انڈیز کے خلاف سیریز کے لیے پاکستان کے ون ڈے اسکواڈ میں شامل کیا گیا۔ جولائی 2022ء میں، انھیں سری لنکا کے دورے کے لیے پاکستان کے اسکواڈ میں شامل کیا گیا۔ پہلے ٹیسٹ کی چوتھی اننگز میں، انھوں نے گال میں میچ جیتنے کے لیے تاریخی 160* رنز بنائے۔اگست 2022ء میں، انھیں نیدرلینڈز کے دورے کے لیے پاکستان کے ون ڈے سکواڈ میں شامل کیا گیا۔ اس نے اپنا ایک روزہ ڈیبیو 21 اگست 2022ء کو، پاکستان کے لیے، نیدرلینڈز کے خلاف کیا۔ دسمبر 2022ء میں، انھوں نے راولپنڈی میں انگلینڈ کے خلاف اپنی تیسری ٹیسٹ سنچری بنائی۔ اکتوبر 2023ء میں، اس نے اپنے ورلڈ کپ کا آغاز 2023ء کے ورلڈ کپ میں سری لنکا کے خلاف حیدرآباد ، انڈیا میں کیا اور اپنے پہلے ہی ورلڈ کپ میچ میں اپنی پہلی ون ڈے سنچری بنا کر اس موقع کو نشان زد کیا، جس سے پاکستان کو فتح سے ہمکنار کیا اور اس کے ساتھ ہی اس نے پاکستان کو فتح کی ورلڈ کپ میچ میں سب سے زیادہ رنز کا تعاقب کرنے کا ریکارڈ۔ انھوں نے 109.71 کے اسٹرائیک ریٹ کے ساتھ 103 گیندوں پر 113 رنز بنائے۔ انھوں نے 20 اکتوبر 2023 کو ایم چناسوامی اسٹیڈیم اسٹیڈیم بنگلور میں آسٹریلیا کے خلاف اپنے دوسرے ورلڈ کپ میچ میں ہارنے کی وجہ سے 61 گیندوں پر 64 رنز کی اننگز بھی کھیلی 23 اکتوبر کو، اس نے افغانستان کے خلاف سمجھداری سے بیٹنگ کرتے ہوئے 75 گیندوں پر 58 رنز بنائے، اس سے پہلے کہ وہ نور احمد کے ہاتھوں ایل بی ڈبلیو ہو گئے۔