معصومہ آباد

معصومہ آباد (پیدائش 5 ستمبر 1962) ایک ایرانی مصنفہ ،یونیورسٹی پروفیسر اور قدامت پسند سیاست دان ہیں ۔ وہ تہران کی چوتھی اسلامی شہری کونسل کی رکن اور ڈائریکٹر ہیلتھ ڈویژن ہیں۔ معصومہ آباد معروف کتاب " میں زندہ ہوں" کی مصنفہ ہیں ۔

تعلیم

معصومہ آباد نے 1989 میں ایران یونیورسٹی آف میڈیکل سائنسز سے بی ایس سی کی ڈگری حاصل کی ۔ 1996 میں ایران یونیورسٹی آف میڈیکل سائنسز سے حفظان صحت میں ایم ایس سی اور 2011 میں شاہد بہشتی یونیورسٹی سے حفظان صحت میں پی ایچ ڈی کی ڈگری حاصل کی۔

قید میں گزارے ایام

ایران۔عراق جنگ کے دوران ایرانی ریڈ کریسنٹ سوسائٹی (آئی آر سی ایس) کے لیے اسپتالوں اور دیگر طبی کلینک کی تعمیر و انتظام میں معصومہ آباد نے بہت اہم کردار ادا کیا۔ جنگ کے تریسٹھ دن بعد جب وہ ہلال احمر کے ایک مشن پر تھیں فاطمہ ناہدی ، مریم بہرامی اور حلیمہ اجمودہ سمیت  عراقی فوجی دستوں نے  ان لوگوں کوآبادان کی شاہراہ پر (15 اکتوبر 1980) پکڑ لیا تھا۔ پہلے انھیں تنومہ سرحدی کیمپ بھیجا گیا اور پھر انھیں ایسٹخبرات (صدام کی خفیہ ایجنسی) اور الرشید جیلوں میں بھیجا گیا۔ کچھ عرصہ بعد ان کو  موصل اور الانبار کیمپوں میں منتقل کر دیا گیا۔تین سال اور چھ ماہ بعد 21 اپریل 1983 کومعصومہ آباد کو رہا کیا گیا۔

کتاب "میں زندہ ہوں

"میں زندہ ہوں" ایک یادداشت ہے جس میں معصومہ آباد نے ایران عراق جنگ کے دوران اپنے تجربات کی تفصیل لکھی ہے ،کتاب جیل میں گزارے ایام کے بارے میں ہے۔ اس کتاب کو ایران میں 16 ویں مقدس دفاعی کتاب کا ایوارڈ ملا ہے ۔ اس کتاب میں جنگ میں حصہ لینے والی ایرانی خواتین کے کچھ کرداروں پر تفصیلی گفتگو کی گئی ہے۔