شاہ عون احمد قادری

شاہ عون احمد قادری پھلواروی (1921ء – 1998ء) ایک ہندوستانی عالمِ دین، روحانی پیشوا اور امارت شرعیہ کے دوسرے قاضی تھے تھے۔ وہ خانقاہ مجیبیہ، پھلواری شریف کے مدرس اور جمعیت علماء بہار کے صدر کے طور پر بھی خدمات انجام دیں۔

قاضی شریعت
سید شاہ عون احمد قادری
معلومات شخصیت
پیدائش	1921ء پھلواری شریف، بہار، بھارت
وفات	18 صفر 1418ھ (1998ء) پھلواری شریف، بہار، بھارت
شہریت	بھارت
قومیت	بھارتی
عملی زندگی
تعليم	جامعہ معینیہ، اجمیر
مادر علمی	جامعہ معینیہ
پیشہ	عالم دین، مدرس، قاضی
پیشہ ورانہ زبان	اردو ،  عربی ،  فارسی
دور فعالیت	1948ء – 1998ء
کارہائے نمایاں	محی الملۃ و الدین، نعمت کبری
تحریک	امارت شرعیہ

ابتدائی زندگی اور تعلیم

سید شاہ عون احمد قادری 1921ء (1340 ھ) میں پھلواری شریف، بہار میں پیدا ہوئے۔ ان کے والد شاہ نظام الدین احمد قادری ایک معروف عالمِ دین اور روحانی شخصیت تھے۔ انھوں نے ابتدائی دینی تعلیم اپنے والد سے حاصل کی۔ بعد ازاں اعلیٰ تعلیم کے لیے وہ جامعہ معینیہ اجمیر گئے، جہاں انھوں نے 1362 ہجری میں دینی علوم سے فراغت حاصل کی۔

درس و تدریس

1948ء سے اپنی وفات تک، سید شاہ عون احمد قادری دار العلوم مجیبیہ، پھلواری شریف، پٹنہ میں تدریسی خدمات انجام دیتے رہے۔ ان کی نگرانی میں مدرسہ میں تعلیمی سرگرمیاں جاری رہیں اور دینی علوم کی اشاعت پر خاص توجہ دی گئی۔۔

علمی اور فقہی خدمات

سید شاہ عون احمد قادری نہ صرف ایک ممتاز مدرس تھے بلکہ ایک تجربہ کار مفتی اور قاضی بھی تھے۔ قاضی نور الحسن پھلواروی کی وفات کے بعد، 5 رمضان المبارک 1375 ہجری کو امیر شریعت ثالث قمر الدین قادری کی سفارش پر آپ کو امارت شرعیہ کے دوسرے قاضی شریعت کے طور پر مقرر کیا گیا۔ آپ نے اس عہدے پر طویل عرصے تک خدمات انجام دیں اور فقہی مسائل کے حل میں نمایاں کردار ادا کیا۔ اور لمبے عرصے تک دوسرے قاضی شریعت کے طور پر خدمات انجام دیتے رہے

تصانیف

سید شاہ عون احمد قادری نے کئی موضوعات پر کتابیں تصنیف کیں۔ ان کی مشہور تصانیف درج ذیل ہیں:

• محی الملۃ و الدین - اسلامی عقائد اور اعمال پر مبنی ایک اہم کتاب۔

• حج و زیارت - حج اور عمرہ کے احکام و مسائل پر مبنی کتاب۔

• سات اہم مسائل کا حل - عوامی مسائل کے شرعی حل پر مشتمل کتاب۔

• نعمت کبری - سیرت النبی صلی اللہ علیہ وآلہ وسلم پر ایک تفصیلی کتاب۔

جمعیت علماء بہار

1961ء (1381ھ) میں، سید شاہ عون احمد قادری کو جمعیت علماء بہار کا صدر منتخب کیا گیا۔ان کی قیادت میں جمعیت علماء بہار نے مسلمانوں کے مذہبی، تعلیمی اور سماجی مسائل کے حل کے لیے کام کیا۔

وفات

سید شاہ عون احمد قادری کا انتقال 18 صفر 1418ھ (1998ء) کو ہوا۔ انھیں ان کے آبائی قبرستان پھلواری شریف میں سپردِ خاک کیا گیا۔