مصطفوی سٹوڈنٹس موومنٹ

تحریک منہاج القرآن کے زیرسایہ ملک بھر میں طلباء کی فلاح و بہبود محفوظ اور روشن مستقبل کیلئے ملک گیر سطح پر یونیورسٹیز ،کالجز اور ا سکولوں میں سرگرمِ عمل ہے۔

تاسیس

ملک کی ترقی میں طلبہ بنیادی کردار ادا کرتے ہیں انہیں تشدد اور غیر اخلاقی سرگرمیوں سے محفوظ رکھنے اور ان کے جذبات کو مثبت راہیں فراہم کرنے کے لیے مصطفوی سٹوڈنٹس موومنٹ . کے نام سے طلبہ تنظیم مصروف عمل ہے، جو طلبہ کی فلاح و بہبود محفوظ اور روشن مستقبل کے لیے ملک گیر سطح پر یونیورسٹیز، کالجز، اسکولوں اور دینی مدارس میں سرگرم عمل ہے۔ ملک سے جہالت کے خاتمے اور علم کا نور عام کرنے، منشیات کے استعمال کی حوصلہ شکنی، بے راہ روی، فحاشی، عریانی اور مغربی تہذیب و ثقافت کے فروغ پزیر رجحانات کو ختم کرنے اور طلبہ کی توجہ تشددانہ رویوں سے ہٹا کر تعلیمی، ملی اور قومی مقاصد کی جانب مبذول کرانا، موومنٹ کی بنیادی ذمہ داری ہے۔ مصطفوی سٹوڈنٹس موومنٹ علم امن قدم قدم کے سلوگن کے ساتھ وجود میں آئی۔مصطفوی سٹوڈنٹس موومنٹ احیائے اسلام، استحکامِ پاکستان اور طلباء حقوق کے تحفظ کیلئے مصروفِ عمل ہے۔مصطفوی سٹوڈنٹس موومنٹ نے طلباء کی اخلاقی و رُوحانی تربیت، کردار سازی اور تعمیرِ شخصیت کیلئے ہمیشہ بے پناہ کردار ادا کیا ہے۔ مصطفوی سٹوڈنٹس موومنٹ پروفیسر ڈاکٹر محمد طاہرالقادری کے زیرسایہ 6 اکتوبر1994ء میں قائم ہوئی۔

جہت

مصطفوی سٹوڈنٹس موومنٹ کی ورکنگ کو 3 جہتوں میں تقسیم کریں تو پہلی جہت امر بلمعروف ونہی عنِ لمنکر، دوسری جہت طلباء کی تعمیرِ شخصیت اور تیسری جہت بیداریِ شعور کی ہے۔

امر بلمعروف و نہی عن لمنکر

مصطفوی سٹوڈنٹس موومنٹ نے امر بلمعروف ونہی عنِ لمنکر کے فریضہ کیلئے اپنی دعوتی سرگرمیوں کو 4 چار حصوں میں تقسیم کیا ہے۔

درودسرکلز

احیائے اسلام کے جذبہ سے سرشار مصطفوی سٹوڈنٹس موومنٹ پچھلے 28 سال سے بے راہ روی کا شکار طلباء کو آقا صلوۃ واسلام کی محبت اور عشق سے آشنا کر رہی ہے اور ان کے دلوں میں محبتِ مصطفیٰ کے دیپ جلانے کیلئے عملی اقدامات کر رہی ہے۔ اس کے ساتھ ساتھ طلباء میں تزکیہِ نفس، تصفیہِ قلب، ذوقِ عبادت و تقویٰ کے فروغ اور وحدت کے کردار کیلئے کوشاں ہے۔ آقائے دو جہاں کی موودت طلباء کے سینوں میں پیوست کرنے کیلئے ہر ماہ کے پہلے ہفتہ میں ایم ایس ایم کی تمام تنظیمات درود سرکلز کا انعقاد کرتی ہیں تاکہ آقائے دو جہاں صہ کی محبت کو طلباء کے دلوں میں ایسے میں ڈالا جائے کہ وہ اپنی زندگیاں سیرتِ رسول صہ کی اتباع میں گزاریں۔

قرآن سرکلز

قرآنی تعلیمات کے فروغ اور قرآن فہمی کیلئے مہینے کے دوسرے ہفتے میں سینکڑوں مقامات پر قرآن سرکلز کا اہتمام کیا جاتا ہے۔ جس کے ذریعے کالجز اور یونیورسٹیز کے طلباء کو صحیح معنوں میں قرآن پاک کی تعلیمات اور قرآن فہمی کے ساتھ منسلک رکھ کے انہیں اپنی زندگیاں قرآن کے اُلوحی اصولوں کے مطابق گزارنے کی رغبت دی جاتی ہے تاکہ پھر سے قرآن کی دعوت کو لیکر اُمتِ مسلمہ اُٹھے اور پوری دنیا پر چھا جائے۔

سٹڈی سرکلز

چونکہ علم اور امن مصطفوی سٹوڈنٹس موومنٹ کی پہچان ہے۔ سٹڈی سرکلز کے ذریعے طلباء فروغِ علم کیلئے اپنا کردار ادا کرتے ہیں کیونکہ تعلیم سے ہی ترقی مشروط ہے اور وہ قومیں اور معاشرے ترقی کرتے ہیں جو تعلیم میں ترقی کرتے ہیں۔ اس لیے فروغِ علم کیلئے مہینے کے تیسرے ہفتے میں تمام یونیورسٹیز، کالجز اور تحصیلات کی تنظیمات سٹڈی سرکلز کا انعقاد کرتی ہیں۔سٹڈی سرکلز کے انعقاد کا بنیادی مقصد آج کے اس بےراہ روی کے دور میں طلباء کے دلوں کے اندر علم کا شغف پیدا کرنا ہے۔ سٹڈی سرکلز کے ذریعے سٹوڈنٹس کو اپنی عملی زندگیاں اسلام کے رہنما اصولوں کے مطابق گزارنے کیلئے مصطفوی تعلیمات سے روشناس کروایا جاتا ہے تاکہ معاشرے سے جہالت کا خاتمہ اور علم کا دور دورہ ہو سکے۔

شب بیداری

ہر ماہ کے چوتھے ہفتہ میں شبِ بیداری کا انعقاد کیا جاتا ہے تاکہ اللہ کے ساتھ تعلقِ بندگی کو مضبوط کیا جائےاورتعلیمی اداروں اور نوجوانوں کے اندر بڑھتی ہوئی ملحدیت کے اس دور میں رجوع الی اللہ کیلئے کی جانے والی اس اہم سرگرمی کا مقصد طلباء کے دلوں میں خشوع و خضوع اور حقیقی خالق و مالک کی محبت ڈالنا ہے تاکہ نوجوان طلباء کو پھیلتی ہوئی مایوسی، ڈیپریشن اور احساسِ کمتری سے دور رکھا جا سکے۔ ان دعوتی سرگرمیوں کے ذریعے مصطفوی سٹوڈنٹس موومنٹ کے ذمہ داران رجوع الی اللہ، رجوع الی الرسول صہ، رجوع الی القرآن اور رجوع الی العلم کے فروغ کیلئے اپنا زبردست کردار ادا کرتے ہیں۔

معاشرے میں امن، محبت اور رواداری کے فروغ کیلئے اپنا بےپناہ کردار ادا کیا ہے۔

تعمیرِ شخصیت

مصطفوی سٹوڈنٹس موومنٹ ہمیشہ طلباء کی اخلاقی و روحانی ، تنظیمی و انتظامی تربیت اور شخصیت سازی کیلئے کوشاں رہٰی ہے۔ مصطفوی سٹوڈنٹس موومنٹ نے طلباء کی شخصیت سازی کیلئے مثبت سرگرمیوں کو فروغ دینے کی جدوجہد کی ہے۔ لیڈرشپ ڈیولپمنٹ پروگرام کے تحت طلباء میں قائدانہ صلاحیتیں پیدا کرنے کیلئے تحصیلی و ضلعی سطح پہ اور کالجز و یونیورسٹیز میں تربیتی ورکشاپس کا انعقاد کیا جاتا ہے۔اسکے علاوہ سال میں دو مرتبہ ششماہی بنیادوں پر زونل اور مرکزی سطح پر 3 روزہ تربیتی کیمپس منعقد کیے جاتے ہیں۔جس میں ملک کے نامور ٹرینرز ، موٹیوشنل سپیکرز اور لائف کوچز کے ذریعے طلبا ء کی ٹریننگ کی جاتی ہے۔ طلباء کی سپیکنگ سکیلز اور کمیونیکیشن سکیلز کو نکھارے کیلئے ان تربیتی ورکشاپس کے ذریعے انہیں مختلف قسم کی سرگرمیاں کروائی جاتی ہیں تاکہ مصطفوی سٹوڈنٹس موومنٹ سے منسلک ہر طالبِ علم معاشرے میں ایک مؤثر آواز بن سکے اور وہ اپنا موقف اور بیانیہ بہتر طریقے سے دوسروں تک پہنچا سکے۔ پاکستان میں جہاں کیریئر کونسلنگ کی کمی کا شکار لاکھوں طلباء اپنے نیچرل فیلڈ کو سیلیکٹ کرنے کی بجائے حادثاتی طور پہ ڈگری کا انتخاب کرکے معاشرے پہ بوجھ بنتے جا رہے ہیں وہیں مصطفوی سٹوڈنٹس موومنٹ ملک و قوم کے ان ہونہار طلباء کو اپنا نیچرل فیلڈ پہچاننے کیلئے کیرئیر کونسلنگ سیشنز کو اہتمام کرتی ہے۔

بیداریِ شعور

مصطفوی سٹوڈنٹس موومنٹ کی تیسری جہت بیداریِ شعور ہے۔ اس کے ذریعے طلباء میں نہ صرف پاکستان کی تعمیر و ترقی کا جوش و جذبہ پیدا کیا جاتا ہے بلکہ معاشرے کی تعمیر و ترقی کیلئے انہیں تیار کیا جاتا ہےتاکہ وہ تعلیمی اداروں سے فراغت کے بعد جب عملی زندگی میں قدم رکھیں تو وہ معاشرے کی نشو و نما کیلئے اپنا کردار ادا کر سکیں۔ مصطفوی سٹوڈنٹس موومنٹ ہمیشہ طلباء کے شعور کی بیداری کیلئے کوشاں رہی ہے۔ طلباء حقوق کے تحفظ کیلئے ایم ایس ایم نے ہمیشہ ہراول دستے کا کردار ادا کیا ہے۔ قومی سطح کا مسئلہ ہو یا طلباء کے علاقائی سطح کے مسائل ، ایم ایس ایم نے ہمیشہ طلباء حقوق کی محافظ ہونے کا ثبوت دیاہے۔ ہر سال مصطفو ی سٹوڈنٹس موومنٹ کے زیر اہتمام یکساں نظام ِ تعلیم کے نفاذ ، طبقاتی نظامِ کے خاتمے اور تعلیمی بجٹ کو کم از کم 5 فیصد تک بڑھانے کیلئے مہم چلائی جاتی ہے۔ “Education for All” کے عنوان سے چلنے والی اس مہم کے تحت ملک بھر میں ریلیز، مظاہرے، پریس کانفرنسز اور سیمنارز منعقد کیے جاتے ہیں۔مذکورہ بالا سرگر میوں کے ذریعے اقتدار کے ایوانوں میں بیٹھے حکمرانوں تک طلباء کی آواز پہنچائی جاتی ہے اورتعلیمی نظام و نصاب کی بہتری کا لائحہ عمل پیش کیا جاتا ہےتاکہ تعلیمی نصاب کو مذہبی ، علاقائی ، لسانی ، طبقاتی اور فرقہ وارانہ تعصبات سے پاک کیا جاسکے۔

دعوتی سرگرمیاں

اسکے علاوہ محر م الحرام میں نواسہِ رسول حضرت امام ِ حسین ؑ کی شہادت کی مناسبت سے ملک بھر میں شہدا ِ کربلا کانفرنسز منعقد کی جاتی ہیں۔ جن کے ذریعے طلباء کو پیام ِ کربلا سے آگاہ کیا جاتا ہے۔ ماہِ میلاد جوکہ امتِ محمدی ﷺ کیلئے عید کی حیثیت رکھتا ہے ۔ ربیع الاول کے اس مہینہ میں مصطفوی سٹوڈنٹس موومنٹ کے پلیٹ فارم سے نبیِ آخر و زماں ﷺ کی آمد کی خوشی میں ملک بھر کی تنظیمات میلاد ریلیزمنعقد کرتی ہیں جبکہ نوجوان طلباء کے دلوں کو حقیقی عشق ِ رسول ﷺ سے منور کرنے کیلئے تعلیمی اداروں کے اندر سیرت النبی ﷺ کے عنوا ن سے محافلِ میلاد ، میلاد کانفرنسز اور سیرت النبی سیمینارز کا انعقاد کیا جاتا ہے۔ علاوہ ازیں جب بھی آقائے دوجہاں ﷺ کی ناموس پر کسی طرف سے انگلی اٹھانے کی مزموم کوشش کی گئی مصطفوی سٹوڈنٹس موومنٹ اس گستاخانہ حرکت کے خلاف میدان ِ عمل نظر میں آئی ۔ مصطفوی سٹوڈنٹس موومنٹ طلباء میں تزکیہِ نفس، تصفیہِ قلب، ذوقِ عبادت و تقویٰ کے فروغ اور وحدت کے کردار کیلئے کوشاں ہے۔ ہر سال رمضان المبار ک کے آخری عشرہ میں شیخ الاسلام ڈاکٹر محمد طاہر القادری کی معیت میں ہونے والے شہر اعتکاف میں ایم ایس ایم کے سینکڑوں طلباء معتکف ہوتے ہیں جہاں انکی شخصیت کو سنوارنے کیلئے خصوصی تربیتی سیشنز اور ورکشاپس کا اہتما م کیا جاتا ہے۔

دیگر سرگرمیاں

یوم کشمیر کے موقع پر اپنے مظلوم کشمیری بھائیوں سے اظہارِ یکجہتی کیلئے یوم یکجہتی ِ کشمیر کے عنوان سے ریلیز نکالی جاتی ہیں اور مطالبہ کیا جاتا ہے کہ اقدام ِ متحدہ کی قراردادوں کے مطابق اہلیانِ کشمیر کو انکا حق ملنا چاہیے۔

پاکستان کی طلبہ تنظیمیں

نمبرشمار	نام تنظیم	صدر مقام	بانی	موجودہ صدر	تاریخ قیام	وابستگی	ویب سائٹ
1	آل پاکستان متحدہ اسٹوڈنٹس آرگنائزیشن	کراچی	الطاف حسین		11 جون 1978ء	متحدہ قومی موومنٹ
2	اسلامی جمعیت طلبہ	لاہور	سید ابوالاعلی مودودی	محمد زبیر حفیظ شیخ	25 دسمبر 1947ء	جماعت اسلامی	jamiat.org.pk
3	امامیہ اسٹوڈنٹس آرگنائزیشن پاکستان	لاہور	ڈاکٹر محمد علی نقوی	علی مہدی	22 مئی 1972ء	تحریک جعفریہ
4	انصاف وفاق طلباء	لاہور	عمران خان	ملک مزمل جانگلہ		پاکستان تحریک انصاف
5	انجمن طلبہ اسلام	کراچی	حاجی حنیف طیب	مبشر حسین	20 جنوری 1968ء	-	[1]
6	پیپلز سٹوڈنٹس فیڈریشن	لاڑکانہ	ذوالفقار علی بھٹو			پاکستان پیپلز پارٹی
7	جمعیت طلبائے اسلام					جمعیت علمائے اسلام
8	مسلم سٹوڈنٹس آرگنائزیشن پاکستان	اسلام آباد	حافظ اقرار	محسن خان عباسی	11 جنوری 2002ء	-
9	مسلم سٹوڈنٹس فیڈریشن	لاہور	قائد اعظم		31 دسمبر 1937ء	پاکستان مسلم لیگ
10	مصطفوی سٹوڈنٹس موومنٹ	لاہور	ڈاکٹر محمد طاہرالقادری	عرفان یوسف	6 اکتوبر 1994ء	تحریک منہاج القرآن	msmpakistan.org
11	ورچوئل سٹوڈنٹس فیڈریشن	ملتان	کاشف بلوچ	کاشف بلوچ	15دسمبر 2023ء	-	[http://www.twitter.com/virtualstdnfed/