واخان
واخان شمال مشرقی افغانستان کے سلسلہ کوہ پامیر کی واخان راہداری کے ایک دور دراز علاقے میں ایک مقام ہے۔ یہ ایک دشوار گزار درہ ہے جہاں حیاتیات کے کئی راز ابھی تک محفوظ اور پوشیدہ ہیں اور یہ علاقہ افغانستان میں جنگلی حیات کے لیے بے حد اہم ہے۔ واخان کی آبادی کافی بکھری ہوئی ہے اور ایک تخمینہ کے مطابق اس کی آبادی 10،600 ہے۔ زیادہ تر لوگ واخی زبان بولتے ہیں۔
جغرافیہ
ترمیم_Corridor.jpg)
واخان افغانستان کے انتہائی شمال مشرق میں واقع ہے۔ اس میں آمو دریا (آکسس) کا پانی شامل ہے اور یہ تاریم طاس سے صوبہ بدخشاں تک مسافروں کے لیے ایک قدیم گزرگاہ تھی۔ چین، بھارت اور باختر کے درمیان واخان کی جغرافیائی حیثیت نے اس نے قدیم دنیا میں تجارت میں اہم کردار ادا کیا۔ [1]
1883ء تک واخان میں دریائے پنج اور دریائے پامیر کی پوری وادی کے ساتھ ساتھ دریائے پنج کا بالائی بہاؤ بھی شامل تھا جسے دریائے واخان کہا جاتا ہے۔ [2] متحدہ مملکت برطانیہ عظمی و آئر لینڈ اور روس کے درمیان 1873ء کے معاہدے نے دریائے پنج اور دریائے پامیر پر دونوں ممالک کے اثر و رسوخ کے دائروں کو محدود کرکے واخان کو تقسیم کیا۔ [3] تب سے، واخان کا نام اب عام طور پر دو دریاؤں کے جنوب میں افغان علاقے کے لیے استعمال ہوتا ہے۔ واخان کا شمالی حصہ اب تاجکستان میں واقع تاریخی گورنو بدخشاں خود مختار صوبہ کا حصہ ہے۔
واخان کی واحد سڑک اشکاشم سے قلعہ پنجہ سے سرحد بروغل تک ایک کچا راستہ ہے۔ راستے سڑک کے اختتام سے درہ واخجیر تک جاتے ہیں، چین کی طرف جانے والا ایک پہاڑی درہ جو مسافروں کے لیے بند ہے۔
واخان راہداری
ترمیم
تفصیلی مضمون کے لیے واخان راہداری ملاحظہ کریں۔واخان تاشقؤرغان تاجیک خود مختار کاؤنٹی، چین سے ایک لمبی، تنگ پٹی کے ذریعے جڑا ہوا ہے جسے واخان راہداری کہا جاتا ہے، جو تاجکستان کے گورنو بدخشاں خود مختار صوبہ کو پاکستان کے خیبر پختونخوا اور گلگت بلتستان سے الگ کرتی ہے۔
دریائے واخان مشرق سے قلعہ پنجہ تک گزرگاہ سے گزرتا ہے جہاں یہ دریائے پامیر سے مل کر دریائے پنج بن جاتا ہے جو پھر سرحد بناتا ہے۔
تاریخ
ترمیم تفصیلی مضمون کے لیے ڈیورنڈ لائن ملاحظہ کریں۔تاریخی طور پر واخان ہزاروں سالوں سے ایک اہم خطہ رہا ہے کیونکہ یہ وہ جگہ ہے جہاں وسطی ایشیا کے مغربی اور مشرقی حصے ملتے ہیں۔
قدیم تاریخ
ترمیممغربی واخان کو پہلی صدی عیسوی کے اوائل میں کجولا کدفیسس نے فتح کیا تھا، جو پہلا "عظیم کوشان" تھا اور یہ ان پانچ زیہو یا ریاستوں میں سے ایک تھی جنھوں نے اصل کوشان سلطنت کا مرکز بنایا تھا۔ [4] واخان بالواسطہ طور پر نیم آزاد حکمرانوں کے ذریعے کوشان سلطنت کے زیر انتظام تھا جو شاہراہ ریشم کے بدھ مت کے راستے پر تجارت کی نگرانی کرتے تھے۔ [1]
میرگری واخان
ترمیم تفصیلی مضمون کے لیے میرگری واخان ملاحظہ کریں۔1883ء تک واخان دریائے پنج اور دریائے پامیر کے دونوں کناروں پر ایک نیم آزاد ریاست تھی، جس پر ایک موروثی حکمران میر کی حکومت تھی جس کا دار الحکومت قلعہ پنجہ میں تھا۔ [5] یہ بدخشاں کی ایک معاون شاخ تھی، جو خود چنگ شاہی سلسلہ کی ایک معاون ریاست تھی۔ [6] تاہم 1750ء کی دہائی میں جب چنگ خاندان نے زونگار خاقانیت کو فتح کیا، واخان اور شگھنان کو چنگ خاندان میں شامل کر لیا گیا۔ [1] خانیت خوقند نے بالآخر 1830ء کی دہائی تک چنگ چین سے واخان اور شگنان کو اپنے ساتھ ملا لیا۔ [1]
افغانستان کی فتح
ترمیم1873ء میں برطانیہ عظمٰی اور روس کے درمیان اور 1893ء میں برطانیہ عظمٰی اور افغانستان کے درمیان معاہدوں نے واخان کے تاریخی علاقے کو مؤثر طریقے سے تقسیم کر کے دریائے پنج اور دریائے پامیر کو افغانستان اور روسی سلطنت کے درمیان سرحد بنا دیا۔ [3] اس کے جنوب کی طرف، ڈیورنڈ لائن 1893ء کے معاہدے نے برطانوی ہند اور افغانستان کے درمیان سرحد کو نشان زد کیا۔ اس نے دونوں سلطنتوں کے درمیان بفر کے طور پر زمین کی ایک تنگ پٹی چھوڑ دی۔ 1880ء کی دہائی (1880-1895 [7]) میں، برطانوی ہند کے دباؤ میں، افغانستان کے امیر عبدالرحمن خان نے واخان پر افغان حکومت نافذ کر دی۔ [8] واخان کے آخری میر علی مردان خان چترال فرار ہو گئے جہاں انھیں وادی اشکومان میں زمین الاٹ کی گئی۔
جدید تاریخ
ترمیم1949ء میں، جب ماؤ زے تنگ نے چین پر کمیونسٹ قبضہ مکمل کر لیا، سرحدوں کو مستقل طور پر بند کر دیا گیا، 2,000 سال پرانے کارواں کے راستے کو بند کر دیا گیا اور راہداری کو ڈیڈ اینڈ میں تبدیل کر دیا گیا۔ جب سوویت یونین نے دسمبر 1979ء میں افغانستان پر حملہ کیا، تو انھوں نے واخان پر قبضہ کر لیا اور سرحد بروغل اور دیگر جگہوں پر مضبوط فوجی چوکیاں بنائیں۔ رسائی کی سہولت کے لیے انھوں نے گاز خان کے قریب پرپ کے مقام پر دریائے پامیر پر ایک پل بنایا۔ تاہم، علاقے میں لڑائی نہیں دیکھی گئی۔ [9] 2010ء میں واخان کو پرامن اور باقی افغانستان میں جنگ سے متاثر نہ ہونے کی اطلاع ملی تھی۔ [10]
حوالہ جات
ترمیم- ^ ا ب پ ت Abdulmamad Iloliev (2021)۔ "THE MIRDOM OF WAKHĀN IN THE NINETEENTH CENTURY: DOWNFALL AND PARTITION" (PDF)۔ 2021-07-05 کو اصل سے آرکائیو کیا گیا (PDF)۔ اخذ شدہ بتاریخ 2021-09-27
- ↑ Hermann Kreutzmann (2006)۔ The Significance of Geopolitical Issues for Development of Mountainous Areas of Central Asia (PDF)۔ Aga Khan Development Network (AKDN) workshop: Strategies for Development and Food Security in Mountainous Areas of Central Asia held June 2006, Dushanbe, Tajikistan۔ ص 12۔ اخذ شدہ بتاریخ 2024-04-22 – بذریعہ International Centre for Integrated Mountain Development
- ^ ا ب International Boundary Study of the Afghanistan-USSR Boundary (1983) آرکائیو شدہ 17 اگست 2014 بذریعہ وے بیک مشین by the US Bureau of Intelligence and Research
- ↑ Hill, John E. 2004. The Western Regions according to the Hou Hanshu. Draft annotated English translation. Chapter 13
- ↑ "Hermann Kreutzmann (2003) Ethnic minorities and marginality in the Pamirian Knot" (PDF)۔ اخذ شدہ بتاریخ 2012-09-27
- ↑ Jin Noda (2016)۔ The Kazakh Khanates Between the Russian and Qing Empires: Central Eurasian International Relations During the Eighteenth and Nineteenth Centuries۔ BRILL۔ ص 142۔ ISBN:9789004314474
- ↑ O. Mirzo, WAKHAN, Khuroson, Khujand, 2018, p.74
- ↑ * Library of Congress – Country Study of Afghanistan
- ↑
- ↑ Edward Wong (27 اکتوبر 2010)۔ "In Icy Tip of Afghanistan, War Seems Remote"۔ The New York Times۔ اخذ شدہ بتاریخ 2010-10-28