پن توڑ پشتہ
پَن توڑ پُشتہ بَلیوں کے سہارے سمندر یا جھیل وغیرہ کے درمیان میں دور تک لوہے اور لکڑی کا بنا ہوا عرشہ جو تفریح یا بحری جہازوں سے سامان اُتارنے اور لادنے کے لیے استعمال ہوتا ہے۔ انگلستان میں اس پشتے کو اکثر نمائش لگانے کے لیے بھی استعمال کیا جاتا ہے۔ پن توڑ پشتہ سمندر کی تیز لہروں کو اور پانی کی موجوں کو آسانی سے قبول کر لیتا ہے، جب کہ ٹھوس بنیاد والا اور قریب قریب ستونوں والا پشتہ موجوں اور لہروں کے آسانی سے گزرنے کے لیے رکاوٹ بنتا ہے جس سے اس کے کمزور ہونے اور ٹوٹنے کا امکان ہوتا ہے۔ پن توڑ پشتہ، چھوٹی چھوٹی اور ہلکی لکڑیوں سے اور تقریباً 1600 میٹر تک لمبا یا اس سے طویل بنایا جاتا ہے۔
پن توڑ پشتہ کی اقسام ترمیم
پن پوڑ پشتہ مختلف ملکوں میں مختلف مقاصد کے لیے استعمال ہوتا ہے۔ پہلے عموماً سمندری جہازوں سے سامان اتارنے یا لادنے کے لیے اور جہاز تک مسافروں کے آنے جانے لیے استعمال ہوتا تھا، آج بھی اس کا زیادہ تر استعمال اسی مقصد کے لیے ہوتا ہے۔ اس کے علاوہ ساحلی تفریحی مقامات میں اسے سمندر میں چہل قدمی اور تفریح کے لیے بھی استعمال کیا جاتا ہے۔