ہانگژو شیاوشان بین الاقوامی ہوائی اڈا

ہانگژو شیاوشان بین الاقوامی ہوائی اڈا
سادہ چینی	杭州萧山国际机场
روایتی چینی	杭州蕭山國際機場
انتساخ
ماندرین
- ہانیو پنین	Hángzhōu Xiāoshān Guójì Jīchǎng

ہانگژو شیاوشان بین الاقوامی ہوائی اڈا
Hangzhou Xiaoshan
International Airport
ہانگژو شیاوشان بین الاقوامی ہوائی اڈا; Hangzhou Xiaoshan; International Airport; 杭州萧山国际机场
	آئی اے ٹی اے: HGH; آئی سی اے او: ZSHC;
خلاصہ
ہوائی اڈے کی قسم	عوامی
عامل	ہانگژو شیاوشان بین الاقوامی ہوائی اڈا کمپنی لمیٹڈ
خدمت	ہانگژو، ژجیانگ
محل وقوع	شیاوشان ضلع، ہانگژو
مرکز برائے	لوونگ ائیر; شیامین ائیرلائنز;
فوکس شہر برائے	ائیر چائنہ; چائنا ساؤدرن ائیرلائنز; چائنا ایسٹرن ائیرلائنز; سیچوائن ائیرلائنز; ہائنان ائیرلائنز;
بلندی سطح سمندر سے	7 میٹر / 23 فٹ
متناسقات	30°14′13.6″N 120°25′55.0″E / 30.237111°N 120.431944°E
ویب سائٹ	www.hzairport.com
نقشہs
	; سی اے اے سی ایئر پورٹ چارٹ
	HGH ژجیانگ میں ہوائی اڈے کا مقام
رن وے
اعداد و شمار (2017)
مسافر	35,570,411
کارگو (ٹن)	589,461.6
ہوائی جہاز نقل و حرکت	271,066
	ماخذ: [2]

ہانگژو شیاوشان بین الاقوامی ہوائی اڈا یا ہانگژو شیاوشان انٹرنیشنل ائیرپورٹ (آئی اے ٹی اے: HGH، آئی سی اے او: ZSHC) (انگریزی: Hangzhou Xiaoshan International Airport) (چینی: 杭州萧山国际机场) چین صوبے ژجیانگ کے دار الحکومت شہر ہانگژو کا بنیادی بین الاقوامی ہوائی اڈا ہے۔ ^[1] ہوائی اڈا ضلع شیاوشان میں دریائے چیانتانگ کے کنارے ہانگژو کے مشرق میں 27 کلومیٹر (17 میل) کے فاصلے پر واقع ہے۔ ^[2]

ہوائی اڈے سے تمام چین کے لیے پروازیں چلتی ہیں۔ بین الاقوامی پروازیں بنیادی طور پر مشرقی اور جنوب مشرقی ایشیا اس کے علاوہ افریقا، یورپ اور جنوبی ایشیا کے کچھ مقامات تک بھی پروازیں چلتی ہیں۔ ہوائی اڈا لوونگ ائیر اور شیامین ائیرلائنز کا مرکز جبکہ ائیر چائنہ، چائنا ساؤدرن ائیرلائنز، چائنا ایسٹرن ائیرلائنز، سیچوائن ائیرلائنز اور ہائنان ائیرلائنز کا فوکس شہر ہے۔

2017ء میں ہانگژو شیاوشان بین الاقوامی ہوائی اڈے سے 35،570،411 مسافروں نے سفر کیا جو اسے چین کا دسواں مصروف ترین ہوائی اڈا بناتا ہے۔ ^[3] اس کے علاوہ کارگو کے لحاظ سے 589،461.6 ٹن کے ساتھ یہ چین کا چھٹا مصروف ترین اور 271,066 ہوائی جہاز نقل و حرکت کے لحاظ سے یہ چین کا نواں مصروف ترین ہوائی اڈا ہے۔

تاریخ ترمیم

ہوائی اڈے کو تین مراحل میں تعمیر کرنے کی منصوبہ بندی کی گئی تھی۔ تعمیر کا پہلا مرحلہ جولائی 1997ء میں شروع ہوا اور 30 دسمبر 2000ء کو مکمل اور ٹریفک کے لیے کھول دیا گیا۔ یہ قدیم ہانگژو جیانچیاو ہوائی اڈا جو سول اور فوجی دوہرا استعمال ہوتا تھا کا متبادل ہوائی اڈا ہے۔ مارچ 2004ء میں امیگریشن اور کسٹمر سہولیات کی فراہمی کے بعد یہ ایک بین الاقوامی ہوائی اڈا بن گیا۔ ^[1] 3،600 میٹر طویل ایک دوسرا رن وے بھی زیر تعمیر ہے۔ 2012ء میں ٹرمینل کی توسیع بھی ہو رہی تھی۔

کے ایل ایم نے ہانگژو سے ایمسٹرڈیم تک پہلے پرواز 8 مئی 2010ء کو شروع کی۔ ^[4] 9 جولائی 2010ء کی شام ہوائی اڈا ایک گھنٹہ کے لیے بند کر دیا گیا جب "نامعلوم ہوائی چیز" کا پتہ چلا۔ ^[5]^[6]^[7] ایئر ٹریفک کنٹرول اسے ریڈار پر نہیں پا رہے تھے اور احتیاط طور پر پروازوں کی لینڈنگ کو بند کر دیا گیا۔ اس سے اٹھارہ پروازیں متاثر ہوئیں۔ چار گھنٹے بعد عام آپریشن دوبارہ شروع ہو گئے۔ اس واقعہ نے چینی ذرائع ابلاغ کی خاص توجہ پائی اور اس پر گرما گرم بحث ہوئی۔