آئون / ion (جمع : آینات / ایونات) جس کو اردو میں ایون / آئن یا آین بھی لکھا جاتا ہے، ایک ایسا ذرہ ہوتا ہے جس نے قدرتی طور پر ایک تعدیلی جوہر، سالمہ یا زیرجوہری ذرّے سے تبدیل ہوکر کوئی (مثبت یا منفی) بــار حاصل کر لیا ہو اور ایسا اس وجہ سے ہوتا ہے کہ یا تو اس میں سے ایک برقیہ (electron) نکل جاتا ہے یا ایک برقیہ اس میں آجاتا ہے۔ جب برقیہ نکل جائے تو اس پر مثبت بار آجاتا ہے اور اگر برقیہ اس میں آجائے تو اس پر منفی بار آجاتا ہے۔ آئون بننے کے طبیعیاتی عمل کو تائین (Ionization) کہا جاتا ہے۔
آئون کو اردو میں آین بھی لکھا جاتا ہے۔ بالائی شکل میں آین بننے کے عمل کی وضاحت کی گئی ہے۔ آسان طور پر یوں کہا جا سکتا ہے کہ اگر کسی ایک جوہر سے کوئی برقیہ نکل جائے (بائیں) اور دوسرے جوہر میں داخل ہو جائے (دائیں) تو جس جوہر سے برقیہ نکلتا ہے اس پر مثبتبرقی بار آکر مثاین بن جاتا ہے اور جس میں داخل ہوتا ہے اس پر منفی برقی بار آکر مناین بن جاتا ہے۔
ایک ہائڈرونیم آین میں موجود توانائی کی سطحوں کی وضاحت۔
آین چند ایسے الفاظ میں شامل ہے جس کو اس اردو دائرہ المعارف پر انگریزی سے اپنایا گیا ہے۔ ایسا کرنے کی دیگر وجوہات کے ساتھ ایک قابل ذکر وجہ یہ ہے کہ اس لفظ سے دیگر متعلقہ الفاظ اردو قواعد کے مطابق بنانے میں سہولت ہوگی اور وہ الفاظ اردو میں اجنبی بھی نہیں لگیں کے۔ مثال کے طور پر آین سے انگریزی میں Ionization کا لفظ بنتا ہے جس کو اردو قواعد کی رو سے تائین بنایا جا سکتا ہے۔ اسی طرح مثبت آین کو انگریزی میں cation کہا جاتا ہے جو منفیرہ کی مناسبت سے بنایا گیا لفظ ہے اور اردو میں اسے مثبت سے مث لے کر آین کے ساتھ لگا کر مثاین (cation) بنتا ہے۔ اسی طرح منفی آین کو انگریزی میں آئون کہا جاتا ہے جو مثبیرہ کی مناسبت سے بنایا گیا لفظ ہے اور اردو میں اسے منفی سے من لے کر آین کے ساتھ لگا کر مناین (anion) بنایا جاتا ہے۔ ان الفاظ کی ایک فہرست سامنے شکل کے خانے میں دیکھی جا سکتی ہے۔
درج ذیل میں عام طور پر دیکھے جانے والے مثاینات و مناینات کی ایک فہرست دی جا رہی ہے اس فہرست کے اندراجات انگریزی میں نظر آنے کی وجوہات کئی ہیں۔ ان کی اردو کرنا گویا مشکل تو ہے مگر نــا مـمـکـن ہرگز نہیں ہے اس کے باوجود خطرِ اعتراضات کے پیش نظر فیالحال ایسا کرنے سے اجتناب کیا جا رہا ہے۔
