آئینہ نما ویب سائٹ

آئینہ نما ویب گاہ (انگریزی: Mirror website) کچھ دیگر ویب سائٹوں کی ہو بہ ہو نقل ہیں۔ ایسی ویب سائٹوں کا یو آر ایل اصل ویب گاہ سے مختلف ہوتا ہے، مگر ان میں جو مواد ہوتا ہے وہ ایک جیسا یا تقریبًا ایک جیسا ہی ہوتا ہے۔ ایک عام آئینہ نما ویب گاہ کا مقصد نیٹ ورک ٹریفک کو کم کرنا، رسائی کی رفتار بہتر بناتا ہے، اصل ویب گاہ کی موجودگی کو بہتر کر سکتا ہے یا پھر حقیقی دورانیے میں اصل سائٹ کے مواد کا بیک اپ کرتی ہے۔ تخریب کاری کے ارادے سے رو نما آئینہ نما ویب گاہ اس بات کی کوشش کرتی ہیں کہ صارف کی معلومات کو چرایا جائے، مالویئر تقسیم ہو یا اصل ویب گاہ کے مواد سے منافع کمایا جائے اور اس طرح سے منفی استعمال بہ روئے کار لایا جائے۔

آئینے کی عکاسی کو دکھانے یا اس کی نمائندگی کرنے والی ایک تصویر۔ آئینہ نما ویب گاہ اسی طرح سے ایک ویب گاہ کے مواد کو ہو بہ ہو پیش کرتی ہے یا اس پیش کش میں کچھ برائے نام فرق ہو سکتا ہے۔

ویب سازی کی آسانی سے دستیاب سہولت کا استعمال

کئی سائٹ کے مالکین اس بات سے ناآشنا ہیں کہ کیسے ایک اچھی ویب گاہ کو شروع سے بنائیں۔ یا تو انھیں دیگر ویب سازی کی سہولت فراہم کنندوں پر انحصار کرنا پڑتا ہے یا وہ موجود انٹرنیٹ کے آسان ترین ویب ساز آلات کو بہ روئے کار لاتے ہیں۔ یہ ویب ساز آلات سبھی پلیٹ فارموں پر موجود ہیں اور سریع الاستعمال ہیں۔ مگر ان کے ساتھ ایک مسئلہ یہ بھی ہے کہ یہ ہو بہ ہو قسم کی سائٹوں کو تیار کرتے ہیں۔ اس حساب سے اگر سو صارفین ان ہی ویب ساز آلات کو بہ روئے کار لائیں تو ممکن ہے کہ 100 ایک جیسے صفحۂ اول، ہمارے بارے میں، ہم سے رابطہ کیجیے وغیرہ۔ اس طرح کے آئینہ نما صفحات انٹرنیٹ کے صارفین کو کوئی اضافی مفید معلومات نہیں فراہم کرتے۔

مزید دیکھیے

• انٹرنیٹ
• ویب سائٹ