اشرف حبشی

حضرت اشرف حبشی اہل کتاب صحابی رسول تھے۔

حضرت اشرف حبشیؓ
معلومات شخصیت

نام ونسب

اشرف نام تھا ،حبشہ یاشام کے رہنے والے اور عقیدتاً عیسائی تھے۔ (حافظ ابن حجر رحمہ اللہ نے صحابہ رضی اللہ عنہم اجمعین کی چار قسمیں قرار دی ہیں، ان کوقسم اوّل میں شمار کیا ہے جس سے ان کی اہمیت کی طرف اشارہ ہوتا ہے)

اسلام

اپنے دوسرے رفقا حضرت ابرہہ رضی اللہ عنہا اور حضرت ادریس رضی اللہ عنہ وغیرہ کے ساتھ اسلام لائے۔

خدمتِ نبوی صلی اللہ علیہ وسلم میں آمد

حضرت جعفر رضی اللہ عنہ کے ساتھ اہلِ حبشہ کا جووفد خدمتِ نبوی صلی اللہ علیہ وسلم میں آیا تھا اس میں آپ بھی تھے۔

وفات

وفات کے متعلق کوئی تفصیل نہیں مل سکی۔

فضل وکمال

آپ علمائے نصاریٰ میں تھے، حافظ ابن حجر رحمہ اللہ نے آپ کے اوصاف کے سلسلے میں لکھا ہے کہ: من رهبان الحبشة۔ ترجمہ: حبشہ کے راہبوں میں سے تھے۔ اس سے معلوم ہوتا ہے کہ آپ کا شمار علمائے نصاریٰ میں تھا؛ لیکن اسلام قبول کرنے کے بعد اسلامی علوم سے کہاں تک واقف ہوئے اس کی تفصیل نہیں ملتی اور نہ آپ سے کوئی روایت ہے۔