ہر اننگز یا باری کو اوور میں تقسیم کیا جاتا ہے۔ ہر اوور میں ایک گیند باز لگا تار چھ (6) گیند کراتا ہے۔ وائڈ یا نو بال کی صورت میں گیند باز اتنی ہی گیندیں اور کراتا ہے۔اور ایک نو بال کے بعد اس بولر کو ایک فری ہٹ گیند کرانی پڑے گی جس سے بلے باز کہیں بھی کھیل سکتے ہیں۔ ایک اوور کے اختتام پر دوسرا گیند باز وکٹ کی دوسری جانب سے گیند پھینکتا ہے۔ ہر گیند باز اپنی گیند بازی کے مطابق فیلڈر یا میدان دار کھڑے کرتا ہے۔ ہر اوور کے اختتام پر امپائر بھی اپنی جگہ بدلتے ہیں۔