اے مرے پیارے وطن

اے وطن پیارے وطن


تجھ سے ہے میری تمناؤں کی دنیا پُرنور

عزم میراہے قوی، میرے ارادے ہیں غیور

میری ہستی میں انا ہے، مری مستی میں شعور

جاں فزا میرا تخیل ہے تو شیریں ہے سخن


اے مرے پیارے وطن

اے وطن، پیارے وطن، پاک وطن، پاک وطن

اے مرے پیارے وطن

اے وطن پیارے وطن


تُو، دل افروز بہاروں کا تر و تازہ چمن

تُو مہکتے ہوئے پھولوں کا سہانا گلشن

تُو نواریز عنا دل کا بہاری مسکن

رنگ و آہنگ سے معمور ترے کوہ و دمن


اے مرے پیارے وطن

اے وطن، پیارے وطن، پاک وطن، پاک وطن

اے مرے پیارے وطن

اے وطن پیارے وطن


میرا دل تری، محبت کا ہے جاں بخش دیار

میرا سینا تری ،حرمت کا ہے سنگین حصار

میرے محبوب وطن تجھ پہ اگر جاں ہو نثار

میں یہ سمجھوں گا ٹھکانے لگا سرمایۂ تن


اے مرے پیارے وطن

اے وطن، پیارے وطن، پاک وطن، پاک وطن

اے مرے پیارے وطن

اے وطن پیارے وطن


(پروفیسر کرم حیدری، مجموعہ شام و سحر)