تفسیر ابن برجان (کتاب)

تفسیر ابن برجان ، جسے عبد السلام بن عبدا لرحمٰن نے لکھا ہے، جو ابن برجان کے نام سے مشہور تھے ۔ وہ قراءات، حدیث، تصوف، اور زہد کے ماہر تھے اور 536 ہجری میں وفات پائی۔ ان کی کتاب کا نام "تنبیہ الأفهام إلى تدبر الكتاب الحكيم، وتَعَرُّف الآيات والنبأ العظيم" ہے۔

تفسیر ابن برجان (کتاب)
(عربی میں: تنبيه الأفهام إلى تدبر الكتاب الحكيم)
مصنف	عبد السلام بن عبد الرحمن براجان لخمی
اصل زبان	عربی
موضوع	تفسیر قرآن

ابن برجان اور ان کی تفسیری خدمات

ابن برجان کی تفسیر "تنبیہ الأفهام إلى تدبر الكتاب الحكيم، وتَعَرُّف الآيات والنبأ العظيم" ایک مشہور تصنیف ہے، جو قرآن کے غور و فکر پر مبنی ہے۔ اس کتاب میں اضافی تفصیلات سے گریز کرتے ہوئے قرآن کی تفسیر کو قرآن، حدیث، صحابہ و تابعین کے اقوال کی روشنی میں پیش کیا گیا ہے۔ ان سے منسوب دوسری کتاب "الإرشاد في تفسير القرآن" ایک وسیع تفسیر ہے، جو کئی جلدوں پر مشتمل ہے۔ اس میں انہوں نے قرآنی اسرار اور خاص معانی پر روشنی ڈالی ہے۔ ان کے بیان کردہ رموز سے ماہرین نے ایسے امور اخذ کیے جن کی پیشگوئی بعد میں صحیح ثابت ہوئی۔ ان کا یہ علمی و تفسیری منہج ان کے زہد اور تصوف کی عکاسی کرتا ہے اور قرآنی تدبر کے ایک منفرد اسلوب کی مثال پیش کرتا ہے۔

ابن برجان کے تفسیر کی خصوصیات

1. . اختصار اور جامعیت:ان کی تفسیر اضافی تفصیلات یا غیر ضروری باتوں سے خالی ہے، اور وہ حدیث کے مفہوم کو بیان کرتے ہیں نہ کہ اس کے الفاظ کو۔
2. . قرآن کی تفسیر قرآن سے:وہ آیات کو ان کی نظائر آیات پر محمول کرتے ہیں اور معانی کا موازنہ کر کے واضح ترین معنی اختیار کرتے ہیں۔
3. . سنت اور سلف پر اعتماد:ان کی تفسیر میں حدیث، صحابہ اور تابعین کے اقوال کو بنیاد بنایا گیا ہے۔
4. . حدیث کی صحت کا اہتمام:وہ حدیث کی صحت اور ثبوت پر زور دیتے ہیں اور غیر مستند اقوال کو ترک کر دیتے ہیں۔
5. . علمی بنیادیں:انہوں نے اپنی تفسیر میں تفسیر، حدیث، اور اصول فقہ کے علوم کو خاص طور پر استعمال کیا، جو ان کے کام کی قدر و قیمت بڑھاتا ہے۔
6. . فقہی مسائل کا اجتناب:ان کی تفسیر میں فقہی مسائل کا ذکر بہت کم ملتا ہے۔
7. . ربط السور اور آیات کی مناسبت:سوروں کے درمیان مناسبت کا ذکر نادر ہے، لیکن آیات کے درمیان مناسبت کبھی کبھار بیان کی گئی ہے۔
8. . قراءات کا اہتمام:وہ قراءات کو اپنی تفسیر میں کثرت سے ذکر کرتے ہیں اور انہیں صحابہ اور تابعین کی طرف منسوب کرتے ہیں، نہ کہ قراء سبعہ یا بعد کے قراء کی طرف۔
9. . دقیق معانی:ان کی تفسیر معانی کی گہرائی پر مشتمل ہے اور وہ بعض ایسے معانی بیان کرتے ہیں جنہیں پہلے کسی نے ذکر نہیں کیا۔
10. . اغراض السور:وہ ہر سورہ کے مقاصد اور موضوعات کو بیان کرتے ہیں۔
11. . تصوف کی جھلک:بعض اشارات میں اہل تصوف کے استعمال کردہ اصطلاحات کو شامل کرتے ہیں۔