جرہد بن رزاح
| حضرت جر ہد بن رزاح ؓ | |
|---|---|
| معلومات شخصیت | |
| مقام وفات | عہد امیر معاویہ ؓ |
درستی - ترمیم  | |
نام ونسب
ترمیمجرہد نام، ابو عبد الرحمن کنیت، نسب نامہ یہ ہے، جرہد بن رزاح بن عدی بن سہم ابن مازن بن حارث بن سلامان بن اسلم بن افصیٰ اسلمی۔
اسلام
ترمیمفتح مکہ سے پہلے مشرف باسلام ہوئے، جرہد ان بیکس اور ناچار مسلمانوں میں تھے جن کی معاش کا دار ومدار مسلمانوں کی فیاضی پر تھا، اس لیے وہ اصحاب صفہ کے زمرہ میں شامل ہو گئے تھے۔[1]
دعائے نبوی
ترمیمایک مرتبہ جرہد بائیں ہاتھ سے کھانا کھا رہے تھے، آنحضرتﷺ نے فرمایا داہنے ہاتھ سے کھایا کرو، عرض کی یا رسول اللہ !اس میں تکلیف ہے، آپ نے دم کر دیا، اس کے بعد پھر اس ہاتھ میں کوئی شکایت نہیں پیدا ہوئی۔[2]
وفات
ترمیمامیر معاویہ کے آخر عہد خلافتِ میں مدینہ میں وفات پائی۔[3]