جڑاول

جڑاول یا سرمائی پوشاک موسم سرما میں سردی اور سرد موسم سے بچنے کے لیے پہنی جانی والی پوشاک ہے۔ اس طرح کی پوشاکوں میں سرد ہوا اور کم درجہ حرارت سے حفاظت کے لیے متعدد تہیں ہوتی ہیں اور بیرونی تہ پانی سے بھی محفوظ رکھتی ہے۔ موسم سرما کے پوشاک عموماً اوپر پہنے جانے والے کپڑے ہوتے ہیں جیسے انگرکھا، جاکٹ، سویٹر، ٹوپی، حجاب، دستانے اور مفلر وغیرہ مگر کچھ زیر جامے بھی ہیں جیسے طویل زیر جامے اور جراب۔ موسم سرما میں جنگ کے دوران میں فوجیوں کو کئی تہوں والے جڑاول مہیا کیے جاتے ہیں تاکہ میدان جنگ میں انھیں زحمت نہ ہو۔ دوسری جنگ عظیم کے دوران میں امریکی فوج کو 4 جوڑی کرتے اور جراب دیے جاتے تھے۔ اسکی اور اسنوموبائل جیسے کھیلوں کے لیے مخصوص سرمائی پوشاک ہوتی ہیں۔ بعض مغربی ملکوں میں جڑاول بنانے کے لیے سمور کا استعمال بھی کیا جاتا ہے۔

نگار خانہ

• 
  اسکی کھلاڑی خاتون سرمائی پوشاک میں؛ جاکٹ، ٹوپی، دبیز دستانے، گرپ پتلون اور اسکی پاپوش
• 
  ایک نوزائیدہ سرمائی کپڑوں میں۔
• 
  وادئ یوکون میں ایک روایتی سرمائی پوشاک
• 
  ایک خاتون اونی انگرکھا کے ساتھ اسکی ماسک زیب تن کیے ہوئے۔