آمدرفت
آمدرفت (آمد و رفت) یا ٹریفک (traffic) سڑکوں پر محرکی گاڑیوں، غیرمحرکی گاڑیوں اور پیدل چلنے والوں کا گزر یا سیلان ہے۔ اجناس کے تجارتی نقل و حمل اور مبادلے کو بھی آمدرفت کہاجاتا ہے۔ اِس سے لوگوں یا مسافروں کی نقل و حرکت بھی مُراد ہوسکتی ہے۔
سڑکوں پر آمدرفت میں پیدل چلنے والے، جانور، گاڑیاں، گلی سیار (streetcar) اور دوسری سواریاں (conveyances) شامل ہوتی ہیں، آمدرفتی قوانین وہ قوانین ہیں جو آمد و رفت کی تضبیط کرتے اور گاڑیوں کو باقاعدہ بناتے ہیں، جبکہ سڑک کے اُصول وُہ قوانین اور غیررسمی اُصول ہیں جو آمدورفت کے منظّم اور مناسب بہاؤ کو سہل بنانے کیلئے وقتاً فوقتاً تخلیق پاتے ہیں۔
منظم آمدرفت میں عموماً خوب قائم شدہ اوّلیات (priorities)، رویات (lanes)، شارع عام (right-of-way) اور چوراہوں (intersections) پر آمدرفتی تحکّم (traffic control) ہوتے ہیں۔
آمدرفت کی تنظیم رسمی طور پر کئی عملداریوں (jurisdictions) میں کی جاتی ہے، جیسے نشان زدہ رویات، توصلات (junctions)، درتبادلات (interchanges)، چوارہے (intersections)، آمدرفتی اِشارے یا علامات وغیرہ۔ آمدرفت کی جماعت بندی اکثر اوقات قسم کے لحاظ سے کی جاتی ہے: وزنی موٹر گاڑیاں (مثلاً کار، ٹرک وغیرہ)؛ دوسری گاڑیاں (مثلاً سائیکل، محرکاب (moped) وغیرہ) اور پیدل چلنے والے۔
نیز دیکھئے
- ہوائی آمدرفتی تحکم (air traffic control)
- سمندرپار آمدرفتی راستے (cross sea traffic ways)
- شارع آمدرفتی حفاظت (road traffic safety)
- سڑک حفاظت (road safety)
- شارعی نقل و حمل (road transport)
- نقل و حمل (transport)
- نقحملی پیش گوئی (transportation forecasting)
- حبالہ آمدرفت (web traffic)