خذلان

جبر و قدر کا اسلامی فلسفہ جس کی بنیاد سورۃ آل عمران کی اس آیت پر ہے۔ ’’اگر خدا تمھاری مدد چھوڑ دے تو اس کے بعد تمھاری کون مدد کر سکتا ہے۔‘‘ اس آیت کی بنا پر علما کی دو جماعتیں ہوگئیں۔ ایک جماعت انسان کو مجبور محض مانتی ہے۔ اور دوسری مختار۔ امام رازی نے یہ نتیجہ نکالا ہے کہ مومن خدا کی مدد ہی سے مومن بنتا ہے۔ اسی طرح فاسق بھی خدا ہی کے حکم سے فاسق بنتا ہے۔ جب اللہ کسی کی مدد چھوڑ دیتا ہے تو اس پرحرص و ہوا کا غلبہ ہوجاتا ہے اور وہ گمراہ ہوجاتا ہے۔ اس کے برعکس اگر اللہ کی توفیق شامل حال ہو تو انسان نیک کام کرتا ہے۔