دی آئی لینڈ

دی آئی لینڈ (انگریزی: The I-Land) نیٹ فلیکس پر دکھائی جانے والی سیریز ہے۔

دی آئی لینڈ
صنف	مہم جوئی ٹیلی ویژن سلسلہ ،  ایکشن سیریز
اداکار	کیٹ بوسورتھ ،  ماریا کونچیتا الونسو
ملک	ریاستہائے متحدہ امریکا
زبان	انگریزی
سیزن	1
اقساط	7
تقسیم کار	نیٹ فلکس
نیٹ ورک	نیٹ فلکس
پہلی قسط	12 ستمبر 2019
آخری قسط	12 ستمبر 2019
بیرونی روابط
باضابطہ ویب سائٹ	باضابطہ ویب سائٹ
آئی ایم ڈی بی	صفحة البرنامج

کہانی

وہ سب ایک جزیرے کے ساحل پر جاگتے ہیں، ان کی یادداشت کھو چکی ہے، وہ دس لوگ ہیں- وہ ایک دوسرے کو کیا خود کو بھی نہیں جانتے، اپنی سچائی ڈھونڈنے کا سفر شروع کرتے ہیں، خطرناک جزیرہ اور آدم خور سمندر، امید ہے تو کچھ بھی نہیں، جزیرے پر انھیں کچھ ہنٹ ملتے ہیں جس پر واپسی کے راستے کے نشانات ہیں- لیکن وہ انھیں سنجیدہ نہیں لیتے-

جنگل کی مشکلات اور کھوئی ہوئی یادداشت کے ساتھ انکا ایک بڑا دشمن انکا ماضی ہے جسے وہ بھول چکے ہیں وہ ماضی جو ان کی عمریں کھا چکا ہے، لیکن اس مشکل کا حل ڈھونڈنے کی بجائے سب سے بڑا خطرہ وہ ایک دوسرے کے لیے بن جاتے ہیں-

ان میں سے ایک کردار حادثاتی طور پر حقیقی دنیا میں واپس آ جاتا ہے لیکن وہ یقین نہیں کر پاتا کہ پچھلی دنیا غیر حقیقی تھی کیونکہ اس نے وہ تکلیفیں اور پریشانیاں واقعی جھیلیں تھی، لیکن اسے بتایا جاتا ہے کہ اسے ایسی دنیا میں بھیجا گیا تھا جو اگرچہ حقیقی نہیں تھی لیکن اس میں آنے والی موت حقیقی دنیا میں مار دے گی-

وقت گزرنے کے ساتھ سب کرداروں کو اپنا دھندلا سا ماضی یاد آنے لگتا ہے- وہ سب "برے" لوگ تھے، انھیں یہ جان کر مزید تکلیف ہوتی ہے-

ان کی دنیا ایک گیم کی طرح ہے بلکہ یہ کہنا مناسب ہوگا کہ ایک سیمولیشن ہے جو خطرناک قیدیوں کو جنہیں ٹیکساس کی عدالت سے موت کی سزا ہو چکی ہے ٹھیک ہونے کا موقع دینے کے لیے ہے-