روح بن عبد المؤمن

روح بن عبد المومن (وفات:236ھ) ، قرآن مجید کے قاریوں میں سے ایک تھا ۔ ابو الحسن روح بن عبد المؤمن الہذلی بصری نحوی تھے۔ انہوں نے قراء عشرہ میں سے نویں قاری، یعقوب حضرمی (وفات 205ھ) سے قراءت سیکھی۔ نیز، احمد بن موسیٰ اور عبد اللہ بن معاذ سے حروف قرآنی روایت کیے، جو ابو عمرو بصری کے شاگرد تھے۔ روح بن عبد المؤمن کو ثقہ، مشہور اور مضبوط یادداشت والا مقرئ شمار کیا جاتا ہے۔ان سے امام بخاری نے اپنی صحیح میں روایت کی ہے۔ آپ سے بہت سے لوگوں نے قراءت سیکھی۔ آپ کا انتقال 235ھ میں ہوا۔

روح بن عبد المؤمن
معلومات شخصیت
عملی زندگی
پیشہ	ماہر اسلامیات

حالات زندگی

روح بن عبد المؤمن نے قرآن مجید کی تعلیم بہترین علماء سے حاصل کی۔ انہوں نے مشہور قراء میں آٹھویں مقام رکھنے والے یعقوب حضرمی سے قرآن مجید پڑھا اور ان کے بہترین شاگردوں میں شمار ہوئے۔ روح ، یعقوب حضرمی کے مشہور راویوں میں سے ہیں، اور ان کی روایت آج بھی مسلمان نسل در نسل حاصل کر رہے ہیں۔ روح نے حروف قرآنی کی روایت احمد بن موسیٰ، معاذ بن معاذ، اور ان کے بیٹے عبید اللہ بن معاذ سے کی، جو ابو عمرو بصری کے شاگرد تھے۔ علاوہ ازیں، روح نے حدیث کی روایت ابو عوانہ، حماد بن یزید، اور جعفر بن سلیمان ضبعی سے کی۔

مشہور محدثین جیسے امام بخاری نے اپنی صحیح میں روح سے روایت لی، اور ان کے علاوہ عبد اللہ بن احمد، ابو خلیفہ، ابراہیم بن محمد بن نائلہ اصفہانی اور ابو یعلی الموصلی نے بھی ان سے حدیث روایت کی۔ روح قرآن کے متقی قاری اور ثقہ محدثین میں سے تھے، جن کی ثقاہت کی گواہی متعدد علماء نے دی، جن میں ابن حبان بھی شامل ہیں۔