ساحر (ضدابہام)

اردو ناول ’دائرہ‘

محمد عاصم بٹ کا ناول دائرہ 2001 میں ’آج کی کتابیں‘ ، سٹی بک پریس، کراچی سے شائع ہوا۔ اسے اکیسویں صدی کے اہم اردو ناولوں کی فہرست میں شامل کیا جاتا ہے۔ یہ تخلیقی جنون اور تلاش ذات کی کہانی ہے جو ایسے کرداروں کے گرد گھومتی ہے جو اپنی شناخت کے لامتناہی سفر ہر رواں دواں ہیں۔ یہ کہانی اندرون شہر لاہور کے گلی کوچوں سے ہو کر گزرتی ہے جہاں اندرون شہر کی ثقافت زندہ ہے اور ہمک رہی ہے، اپنے انوکھے کرداروں اور دلفریب مناظر و واقعات کی روشنیوں کے ساتھ۔

محمد عاصم بٹ کے اب تک چار ناول ’دائرہ‘، ’ناتمام‘، ’بھید‘ اور ’پانی پہ لکھی کہانی‘ اور افسانوں کے دو مجموعے ’اشتہار آدمی‘ اور ’دستک‘ شائع ہو چکے ہیں۔ ترجمہ، تنقید اور تحقیق سے متعلق ان کی دو درجن سے زائد کتابیں منظر عام پر آچکی ہیں۔ محمد عاصم بٹ نے فرانز کافکا، خورخے لوئیس بورخیس اور ہاروکی موری کامی کی کہانیوں کے ضخیم انتخاب اردو میں ترجمہ کیے۔ اردو کلاسیکی داستان ’قصہ چہار درویش‘ کو آسان انگریزی میں ازسر نو لکھا۔’ناتمام‘ کو بہترین ناول کے طور پر یو بی ایل لٹریری ایکسیلنس ایوارڈ اور عکس خوش بو پروین شاکر ایوارڈ بھی حاصل ہو چکا ہے۔ جب کہ اس ناول ناتمام کا پشتو میں ترجمہ بھی شائع ہو گیا ہے۔